Ջերմաստիճանի հանկարծակի փոփոխությունները կարող են սրտի կաթվածի կամ ինսուլտի պատճառ դառնալ եղանակային պայմանների նկատմամբ զգայուն անձանց մոտ, ՏԱՍՍ-ին ասել է փիլիսոփայության դոկտոր, դոցենտ, Նովոսիբիրսկի պետական համալսարանի բժշկության և բժշկական տեխնոլոգիաների ինստիտուտի փոխտնօրեն Դարյա Պոդչինենովան:
Բժկի խոսքով՝ եթե մարդ ունենում է հանկարծակի, ուժեղ գլխացավ, դեմքի կամ վերջույթների թմրություն, կամ խոսքի կամ տեսողության խանգարում, պետք է անհապաղ դիմեք բժշկի,
«Նման կտրուկ եղանակային տատանումները սթրես են առաջացնում օրգանիզմի, մասնավորապես՝ անոթային համակարգի վրա։ Տագնապալի ախտանիշներից են հանկարծակի, շատ ուժեղ գլխացավը, ի տարբերություն սովորական գլխացավի, ուժեղ թուլությունը, դեմքի, ձեռքի կամ ոտքի թմրությունը, հատկապես մարմնի մի կողմում, և դեմքի անհամաչափությունը։ Վտանգավոր են նաև խոսքի խանգարումները՝ անորոշ խոսքը, «բերանում խցանման» զգացողությունը և բառեր գտնելու դժվարությունը», – բացատրել է բժիշկը։
Մասնագետը նաև վտանգավոր նշաններ անվանել է տեսողության հանկարծակի խանգարումը (կրկնակի տեսողություն, «մշուշ» կամ «բծեր» աչքերի առաջ), կրծքոսկրի ետևում սուր, սեղմող ցավը, որը ճառագայթում է դեպի ձախ ձեռքը, թիակը կամ ծնոտը, և ուժեղ շնչառության դժվարության զգացումը: Արյան ճնշման կտրուկ բարձրացումը, որը չի արձագանքում սովորական դեղամիջոցներին, ուժեղ գլխապտույտը հավասարակշռության կորստով և անկանոն սրտի բաբախյունը մշուշոտ տեսողությամբ նույնպես պետք է մտահոգիչ լինեն։
«Այս բոլոր ախտանիշները կարող են վկայել սրտի կաթվածի, ինսուլտի կամ հիպերտոնիկ ճգնաժամի մասին և պահանջել անհապաղ շտապօգնության կանչ», – ընդգծել է Պոդչինենովան։
Պետք է դիտարկել բժշկի մոտ պլանային այցը, եթե մարդը չի կարողանում աշխատել եղանակի նկատմամբ զգայունության պատճառով, ախտանիշները տևում են ավելի քան 24 ժամ և չեն թեթևանում ստանդարտ միջոցառումներով: «Մասնագետի հետ պետք է խորհրդակցել նաև, եթե եղանակի փոփոխության պատճառով առաջանում են մշտական անքնություն, խուճապային նոպաներ, անհասկանալի անհանգստություն կամ դեպրեսիա»,- եզրափակել է բժիշկը։