ԱՄՆ նախագահ Դոնալդ Թրամփը Truth Social-ում հավանություն է տվել ԱՄՆ Նյու Մեքսիկո նահանգը Նյու Ամերիկա վերանվանելու առաջարկին։
«Շատերն առաջարկել են վերանվանել Նյու Մեքսիկոն՝ ընտրությունները կեղծած ամենահայտնի նահանգներից մեկը՝ Նյու Ամերիկա։ Այս պոտենցիալ անհավանական նահանգի բնակիչների համար դա շատ ավելի հեղինակավոր և գեղեցիկ է հնչում։ Վա՜յ, ես սիրում եմ դա», – գրել է նախագահը։
Արհեստական բանականության կողմից ստեղծված տեսանյութում նախագահը Village People խմբի «YMCA» հիթի տակ մոտենում է «Բարի գալուստ Նյու Մեքսիկո» գրությամբ գովազդային վահանակին և «Մեքսիկա» գրության վրա դնում «Ամերիկա» գրությունը։ Այնուհետև Թրամփը պարում է իր հայտնի պարը։
ԱՄՆ Սահմանադրության համաձայն՝ դաշնային կառավարությունը չի կարող փոխել նահանգների անունները. դա նրանց կառավարությունների և բնակիչների իրավասությունն է։ Նյու Մեքսիկոյի լրատվամիջոցները հայտնել են, որ բնակիչները չեն աջակցի վերանվանման գաղափարին։