Ես այս օրերն էլ կորսված չեմ համարում. Ծառուկյանը ուղերձ է հղել ՔԿՀ–ից

Ես այս օրերն էլ կորսված չեմ համարում. Ծառուկյանը ուղերձ է հղել ՔԿՀ–ից

Ես այս օրերն էլ կորսված չեմ համարում. Ծառուկյանը ուղերձ է հղել ՔԿՀ–ից

Sputnik Արմենիա

ԲՀԿ առաջնորդը վստահ է, որ գալու է ժամանակը, երբ կկարողանա շարունակել կառուցել, նոր գաղափարներ կյանքի կոչել, պատասխանել օգնության դիմումներին և այլն։ 05.09.2026, Sputnik Արմենիա

2026-09-05T17:24+0400

2026-09-05T17:24+0400

2026-09-05T18:30+0400

գագիկ ծառուկյան

ուղերձ

քրեակատարողական հիմնարկ (քկհ)

կալանք

երևան

https://cdn.am.sputniknews.ru/img/07ea/07/15/104858970_0:83:1600:983_1920x0_80_0_0_21878f098d090654764482c6b9bb504f.jpg.webp

ԵՐԵՎԱՆ, 5 սեպտեմբերի – Sputnik. «Բարգավաճ Հայաստան» կուսակցության առաջնորդ Գագիկ Ծառուկյանի համար Երևան քաղաքի առաջին ատյանի ընդհանուր իրավասության դատարանի որոշումը սպասելի էր. որովհետև այլ դատարանից այլ ակնկալիք չուներ։ Այդ մասին նա այսօր նշել է «Երևան–Կենտրոն» ՔԿՀ–ից հղած իր ուղերձում։ Ավելի վաղ հայտնել էինք, որ դատարանը Ծառուկյանի խափանման միջոց կալանքը երկարացրեց ևս 2 ամսով։Ծառուկյանը վստահ է, որ գալու է ժամանակը, երբ կկարողանա շարունակել կառուցել, նոր գաղափարներ կյանքի կոչել, պատասխանել օգնության դիմումներին և այլն։ «Ես այս օրերն էլ կորսված չեմ համարում, այս ընթացքում ես շատ եմ մտածել, շատերին եմ ճանաչել, գուցե ավելի լավ, քան դրսում եղած ժամանակ։ Երևի ճիշտ են ասում, որ պետք է Աստծուն շնորհակալ լինել ուղարկված փորձության համար»,– գրել է ԲՀԿ առաջնորդը։ Վերջում նա շնորհակալություն է հայտնել հասարակական գործիչներին, քաղաքական բոլոր ուժերի ներկայացուցիչներին, իր թիմակիցներին, անծանոթ մարդկանց, որոնք այս օրերին դատարանի առաջ էին։ «Ոչինչ չի մոռացվում»,– եզրափակել է իր խոսքը Ծառուկյանը։Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց 2 ամսով։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:Ավելի ուշ հայտնի դարձավ, որ «Արարատցեմենտը» և Երևանի «Արարատ» կոնյակի–գինու–օղու կոմբինատը հանձնվել են Հայաստանի Հանրապետության կառավարմանը, «Մուլտի Վելնես» մարզասրահի շենքն անցել է Երևանի քաղաքապետարանին, իսկ դատախազությունը պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։

երևան