Հնդկաստանի կառավարությունը շարունակական երկխոսության մեջ է Մոսկվայի և Կիևի հետ՝ Ուկրաինայում հակամարտության կարգավորման շուրջ։
Այս մասին հայտարարել է Հնդկաստանի արտաքին գործերի նախարար Սուբրամանյամ Ջայշանկարը Լեհաստանի արտաքին գործերի նախարար Ռադոսլավ Սիկորսկու հետ Վարշավայում կայացած համատեղ մամուլի ասուլիսում։
«Ես չեմ կարող մանրամասնել։ Կարող եմ միայն ասել, որ մենք մշտական կապի մեջ ենք և՛ ուկրաինական, և՛ ռուսական կողմերի հետ»,- ասել է նախարարը՝ հիշեցնելով, որ վերջերս այցելել է Մոսկվա, մեկ օր առաջ այցելել է Կիև, և որ Հնդկաստանի վարչապետ Նարենդրա Մոդին և Ռուսաստանի նախագահ Վլադիմիր Պուտինը հանդիպել են Բիշքեկում՝ Շանհայի համագործակցության կազմակերպության գագաթնաժողովի շրջանակներում։
«Մենք փորձում ենք հասկանալ, թե արդյոք կան գաղափարներ և առաջարկներ, որոնք կարող են մշակվել և նպաստել իրավիճակի մեղմացմանը և, իդեալական դեպքում, հակամարտության դադարեցմանը»,- ասել է Ջայշանկարը։