Սննդամթերքը ՀՀ-ում օգոստոսին տարեկան կտրվածքով թանկացել է 6.4%-ով, իսկ մեկ ամսում էժանացել 1%-ով

ԵՐԵՎԱՆ, 4 սեպտեմբերի․ /ԱՌԿԱ/․ 2026 թ.-ի օգոստոսին 2025 թ.-ի օգոստոսի համեմատ սննդամթերքի և ոչ ալկոհոլային խմիչքների գներն աճել են 6,4%-ով, իսկ ընթացիկ տարվա հուլիսի համեմատ նվազել 1%-ով։ Այս մասին են վկայում Հայաստանի Վիճակագրական կոմիտեի տվյալները։

Հացաբուլկեղենը և ձավարեղենն օգոստոսին տարեկան կտրվածքով թանկացել են 2,6%-ով, իսկ մեկ ամսում՝ 0,1%-ով։

– բրինձ – 4,7% 2025 թ.-ի օգոստոսի համեմատ (- 0,2% 2026 թվականի հուլիսի համեմատ)

-ցորենի ձավար + 12,6% (+1%)

-հնդկաձավար + 10,1% (+ 1,6%)

-ալյուր + 3,1% (- 0,4%)

-հաց + 1,9% (+ 0,2%)

-մակարոնեղեն + 6,8% (- 0,2%)

-լոբի – 4,5% (- 0,9%)

-ոսպ – 3,2% (+ 0,1%)

-սիսեռ + 1,6% (- 0,3%)

Միսն օգոստոսին տարվա ընթացքում թանկացել է 10,8%-ով, իսկ հուլիսի համեմատ էժանացել 0,1%-ով։

-տավարի միս + 22,6% (- 0,2%)

-խոզի միս + 0,1% (- 1,5%)

-ոչխարի և գառան միս + 15,5% (0%)

-թռչնամիս + 3,3% (- 0,1%)

Ձկան և ծովամթերքի գները 2026 թ.-ի օգոստոսին 2025 թ.-ի օգոստոսի համեմատ նվազել են 8,9%-ով, իսկ հուլիսի համեմատ՝ 6,8%-ով։

-թարմ իշխան – 12,7% (- 7,6%)

«Կաթնամթերք, պանիր և ձու» խմբում գներն օգոստոսին տարվա ընթացքում աճել են 11,8%-ով, իսկ մեկ ամսում՝ 0,1%-ով

-պանիր + 7,2% (+ 0,5%)

-պաստերիզացված կաթ + 8,1% (0%)

-թթվասեր + 8,8% (0%)

-կաթնաշոռ + 7,2% (0%)

-ձու + 27,4% (- 0,2%)

«Յուղեր և ճարպեր» խմբի ապրանքները տարեկան կտրվածքով թանկացել են 2,3%-ով, իսկ հուլիսի համեմատ էժանացել 0,5%-ով

-կարագ – 2% (- 0,8%)

-բուսական արևածաղկի ձեթ + 8,8% (- 0,2%)

Մրգերը օգոստոսին տարվա ընթացքում թանկացել են 10,5%-ով, իսկ հուլիսի համեմատ էժանացել 3,5%-ով։

«Բանջարեղեն» խմբում գները տարեկան կտրվածքով աճել են 0,4%-ով, իսկ հուլիսի համեմատ նվազել 5,3%-ով։

«Շաքար, մրգախյուս, մեղր, օշարակներ, շոկոլադ և շաքարային հրուշակեղեն» խմբում օգոստոսին գնաճը տարեկան կտրվածքով կազմել է 4,6%, իսկ մեկ ամսում՝ 0,4%։

-շաքար և շաքարավազ + 2,3% (- 0,7%)

-շոկոլադն աճել է + 6,3% (- 0,3%)

«Սուրճ, թեյ և կակաո» խմբում ընթացիկ տարվա օգոստոսին անցյալ տարվա օգոստոսի համեմատ գներն աճել են 5,7%-ով, իսկ հուլիսի համեմատ՝ 0,8%-ով

-սուրճ + 5,4% (+ 0,8%)

-թեյ + 5,9% (+ 0,3%)

-կակաո + 18,2% (+ 0,8%)։

Հանքային կամ աղբյուրի, ինչպես նաև շշալցված խմելու ջրի գներն օգոստոսին տարվա ընթացքում բարձրացել են 3,5%-ով, իսկ մեկ ամսում՝ 0,2%-ով։

Ալկոհոլային արտադրանքից օգոստոսին օղին թանկացել է 11%-ով տարեկան կտրվածքով և 0,5%-ով մեկ ամսում, գինին՝ 0.9%-ով տարվա ընթացքում և 0,3%-ով մեկ ամսում, իսկ գարեջուրը՝ համապատասխանաբար 4,2%-ով և 0,6%-ով։ Ծխախոտային արտադրանքը օգոստոսին տարեկան կտրվածքով թանկացել է 7%-ով, իսկ մեկ ամսում՝ 0,1%-ով։

Այլ խմբերում չներառված սննդամթերքը 2026 թ.-ի օգոստոսին 2025 թ.-ի օգոստոսի համեմատ թանկացել է 4,3%-ով, իսկ ընթացիկ տարվա հուլիսի համեմատ՝ 0,2%-ով։

Ընդ որում, ոչ պարենային ապրանքների շուկայում 2026 թ.-ի օգոստոսին 2025 թ.-ի օգոստոսի համեմատ գներն աճել են 2,4%-ով, իսկ հուլիսի համեմատ՝ 0,4%-ով։

Հայաստանում 2026 թ.-ի օգոստոսին 2025 թ.-ի օգոստոսի համեմատ արձանագրվել է 4,4% գնաճ, իսկ ընթացիկ տարվա հուլիսի համեմատ գներն աճել են 0,2%-ով։