«Ես Տիգրանաշենի մասին ոչինչ չեմ ասել, ես ասել եմ Քյարքիի մասին։ Նախընտրական շրջանում ես խոսել են նաև անկլավների մասին․ որևէ նորություն դրանում չկա»,- կառավարության նիստից հետո, լրագրողների հետ զրույցում ասաց Նիկոլ Փաշինյանը՝ պատասխանելով հարցին, որ նախընտրական քարոզարշավի ժամանակ Տիգրանաշեն այցելե՞լ է, ասե՞լ է տեղի բնակիչներին, որ իրենց տները հանձնելու է Ադրբեջանին։
«Մենք ասել ենք, որ ՀՀ տարածքը 29 743 կմ է, երբևէ Քյարքին և մյուս անկլավները այդ հաշվարկի մեջ չեն եղել։ Փոխարենը այդ հաշվարկի մեջ եղել է և կա Արծվաշենը։ Արծվաշենում էլ է մարդ ապրում, և ի՞նչ Արծվաշենը ՀՀ տարածք չի՞։ Ամեն դեպքում այս մասով չկա որևէ պայմանավորվածություն»,- շարունակեց Նիկոլ Փաշինյանը՝ հավելելով, որ այս մասով ամենակարեւոր նրբությունը «այս հարցի շուրջ նյարդի զրոյացում»-ն է․ «Նաև արտաքին աշխարհում պարզ կլինի, որ այս հարցի շուրջ նյարդ չկա, այս հարցը կլուծվի հնարավոր ամենալավ տարբերակով»։
Պնդեց՝ ինքը ոչ թե ՀՀ շահերի դեմ է խոսում, այլ գործում է ՀՀ շահերին համապատասխան․ «Ես խնդիրը մասամբ համարում եմ լուծված, քանի որ չգիտեմ` ինչպես լրագրողներն ու ընդդիմությունը, բայց ՀՀ հանրությունն իմ ուղերձը ընդունել է, և ՀՀ-ում այդ հարցի շուրջ նյարդ չկա այլևս»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: