https://arm.sputniknews.ru/20260901/aeraciajum-teghi-unecats-mijadepic-hetvo-dzerbakalvatsneric-mekn-azat-e-ardzakvel-106336736.html
Աերացիայում տեղի ունեցած միջադեպից հետո ձերբակալվածներից մեկն ազատ է արձակվել
Աերացիայում տեղի ունեցած միջադեպից հետո ձերբակալվածներից մեկն ազատ է արձակվել
Sputnik Արմենիա
ՆԳՆ-ն հերքում է լուրը, թե ձերբակալված տղամարդուն ծեծի են ենթարկել: 01.09.2026, Sputnik Արմենիա
2026-09-01T13:38+0400
2026-09-01T13:38+0400
2026-09-01T13:38+0400
շենգավիթ
ձերբակալություն
ապօրինի շինություն
https://cdn.am.sputniknews.ru/img/07ea/08/1f/106297325_0:78:1500:922_1920x0_80_0_0_0729df2b1c2922d294470b50047c85ac.jpg.webp
ԵՐԵՎԱՆ, 1 սեպտեմբերի – Sputnik. Երևանի Շենգավիթ վարչական շրջանի Աերացիա թաղամասում նախատեսված 4 ապօրինի շինությունների ապամոնտաժման ժամանակ տեղի ունեցած միջադեպի հետևանքով բերման ենթարկված, ապա ձերբակալված 2 քաղաքացուց մեկն արդեն ազատ է արձակվել: Այս մասին Sputnik Արմենիային հայտնեցին ՀՀ քննչական կոմիտեից: Աերացիայում օգոստոսի 31-ին լարված իրավիճակ էր ստեղծվել, երբ Երևանի քաղաքապետարանի աշխատակիցները՝ ոստիկանների ուղեկցությամբ, գնացել էին տարածք՝ 4 շինություն ապամոնտաժելու։ Բնակիչների և իրավապահների միջև քաշքշուկ էր տեղի ունեցել, որի ընթացքում բնակիչներից մեկը (կին, որն ունի մանկահասակ երեխա) կոտրել էր ոստիկանական մեքենայի ապակին: Նա և ևս մեկ անձ (նրա քեռին) բերման էին ենթարկվել։ Որոշ ժամանակ անց քաղաքապետարանի աշխատակիցներն ու ապամոնտաժման համար բերված տեխնիկան հեռացել էին տարածքից։ ԶԼՄ-ներին տված հարցազրույցում ձերբակալված տղամարդու մայրը նշել էր, թե որդուն ծեծի են ենթարկել ու այժմ նա հիվանդանոցում է, իսկ թոռնուհին էլ կապտուկներով է վերադարձել: Ներքին գործերի նախարարությունից Sputnik Արմենիային հերքեցին լուրը՝ վստահեցնելով, որ որևէ մեկին ոստիկանական բաժնում չեն ծեծել, բռնություն չի գործադրվել:Հիշեցնենք, որ երեկվանից հետո որոշում էր կայացվել այսօր՝ սեպտեմբերի 1-ին, բնակիչների հետ հանդիպել թաղապետարանում ու տների ապամոնտաժման հարցը քննարկել: Հանդիպման ընթացքում որոշվել է, որ տները դեռ չեն քանդվի ու բնակիչները կարող են ապրել այնտեղ այնքան, քանի դեռ կացարանով չապահովեն:Իրենց հերթին բնակիչներն էլ համաձայնել են՝ հետևելու են, որ տարածքում շինարարական աղբ չթափվի։
2026
Լուրեր
am_HY
https://cdn.am.sputniknews.ru/img/07ea/08/1f/106297325_84:0:1417:1000_1920x0_80_0_0_c0055a392dc6b2d7fd3728bb4de23c72.jpg.webp
շենգավիթ, ձերբակալություն, ապօրինի շինություն
շենգավիթ, ձերբակալություն, ապօրինի շինություն
ՆԳՆ-ն հերքում է լուրը, թե ձերբակալված տղամարդուն ծեծի են ենթարկել:
«Կնոջն ազատ են արձակել, իսկ տղամարդը դեռ ձերբակալված է»,- նշեցին ՔԿ-ից:
ԶԼՄ-ներին տված հարցազրույցում ձերբակալված տղամարդու մայրը նշել էր, թե որդուն ծեծի են ենթարկել ու այժմ նա հիվանդանոցում է, իսկ թոռնուհին էլ կապտուկներով է վերադարձել:
Ներքին գործերի նախարարությունից Sputnik Արմենիային հերքեցին լուրը՝ վստահեցնելով, որ որևէ մեկին ոստիկանական բաժնում չեն ծեծել, բռնություն չի գործադրվել:
Հիշեցնենք, որ երեկվանից հետո որոշում էր կայացվել այսօր՝ սեպտեմբերի 1-ին, բնակիչների հետ հանդիպել թաղապետարանում ու տների ապամոնտաժման հարցը քննարկել: Հանդիպման ընթացքում որոշվել է, որ տները դեռ չեն քանդվի ու բնակիչները կարող են ապրել այնտեղ այնքան, քանի դեռ կացարանով չապահովեն:
Իրենց հերթին բնակիչներն էլ համաձայնել են՝ հետևելու են, որ տարածքում շինարարական աղբ չթափվի։