Բաժանորդագրվեք araratnews-ի տելեգրամ ալիքին։
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ գերլցանավը փորձել է անօրինական կերպով տարանցիկ անցնել Հորմուզի նեղուցի հարավային հատվածով։
ԻՀՊԿ-ի տվյալներով՝ գերլցանավը բախվել է երկու ծովային ականների։ Նավի վրա հրդեհ է բռնկվել, և լցանավը «ամբողջությամբ կանգ է առել»։ ԻՀՊԿ-ն զոհերի մասին չի հայտնել։
Հորմուզի նեղուցի ամենանեղ հատվածը վերահսկվում է Իրանի և Օմանի կողմից։ Հունիսից Թեհրանը և Մուսկատը բանակցություններ են վարում ծովային միջանցքով նավագնացության վերականգնման շուրջ։ Օգոստոսի 25-ին երկու երկրների արտաքին գործերի նախարարները հայտարարել են, որ քննարկել են ծովային միջանցքով ժամանակավոր երթուղի և ականազերծման գործողությունները։ Իրանը պահանջել է փոխհատուցում Միացյալ Նահանգներից Հորմուզի նեղուցը բացելու համար։