Մերձմոսկովյան Նովո-Օգարյովո նստավայրում տեղի է ունեցել Ռուսաստանի նախագահ Վլադիմիր Պուտինի հանդիպումը Բելառուսի նախագահ Ալեքսանդր Լուկաշենկոյի հետ, տեղեկացնում է ТАСС-ը։
Բանակցությունների թեմաներից մեկը դարձել է երկու երկրների կառավարությունների աշխատանքը և համատեղ նախագծերի իրականացումը։
Պուտինը Լուկաշենկոյին առաջարկել է քննարկել ռուսաստանյան և բելառուսական կառավարությունների աշխատանքի արդյունքները։ «Գիտեմ, որ Դուք երեկ բավականին ակտիվ աշխատել եք ՌԴ կառավարությունում գործընկերների հետ՝ ինչպես ձեր, այնպես էլ Ռուսաստանի կառավարության իմ գործընկերների հետ։ Հիմա մեր այսօրվա շփման ընթացքում կամփոփենք որոշ արդյունքներ, եթե պետք լինի ինչ-որ բան ավելացնել և ճշգրտել, մենք դա կանենք», — ասել է Ռուսաստանի նախագահը։
Լուկաշենկոն, իր հերթին, դրական է գնահատել երկու երկրների նախարարների կաբինետների փոխգործակցությունը։ Ըստ նրա, կառավարությունները «լավ են աշխատում», իսկ գործնական հարցերի վերաբերյալ որոշումներ ընդունելու համար խնդիրներ գրեթե չեն մնացել։
Պուտինը նաև նշել է Ռուսաստանի և Բելառուսի համագործակցության զարգացումը բարձր տեխնոլոգիաների ոլորտում, այդ թվում՝ միկրոէլեկտրոնիկայի։ Նա նշել է, որ երկրները համագործակցում են ոչ միայն ավանդական ուղղություններով, այլև այն ոլորտներում, որոնք առանձնահատուկ նշանակություն են ձեռք բերում։