ԵԱՏՄ առևտրային շուկան շուրջ 2,5 մլրդ մարդ է ընդգրկում․ Օվերչուկ

ԵԱՏՄ առևտրային շուկան շուրջ 2,5 մլրդ մարդ է ընդգրկում․ Օվերչուկ

ԵԱՏՄ առևտրային շուկան շուրջ 2,5 մլրդ մարդ է ընդգրկում․ Օվերչուկ

Sputnik Արմենիա

Կառավարության ղեկավարի տեղակալի խոսքով՝ ոչ ոք չէր էլ մտածում նման թվերի մասին 2014 թվականին, երբ նախապատրաստվում էր Եվրասիական տնտեսական միության մասին… 28.08.2026, Sputnik Արմենիա

2026-08-28T15:08+0400

2026-08-28T15:08+0400

2026-08-28T15:08+0400

եվրասիական տնտեսական միություն (եատմ)

ալեքսեյ օվերչուկ

շուկա

https://cdn.am.sputniknews.ru/img/07ea/03/1b/100301029_0:160:3072:1888_1920x0_80_0_0_fd19dfb33a6df7e0e2da05ab78b64f5a.jpg.webp

ԵՐԵՎԱՆ, 28 օգոստոսի – Sputnik. ԵԱՏՄ կազմի մեջ մտնող երկրների սպառման շուկան շուրջ 2,5 միլիարդ մարդ է ընդգրկում։ Այս մասին ասել է Ռուսաստանի փոխվարչապետ Ալեքսեյ Օվերչուկը։Կառավարության ղեկավարի տեղակալի խոսքով՝ ոչ ոք չէր էլ մտածում նման թվերի մասին 2014 թվականին, երբ նախապատրաստվում էր Եվրասիական տնտեսական միության մասին պայմանագիրը։«Աշխարհն այլ էր, և մենք էլ էինք այլ։ Եվ շատերի հայացքներն այլ էին, ԵԱՏՄ-ի հանդեպ ակնկալիքները նույնպես հավանաբար այլ էին։ Այսօր հետ նայելիս ոմանք ԵԱՏՄ-ն երևի դիտարկում էին որպես Եվրոպական միության հետ մերձեցման աստիճան, ինչ-որ մեկն էլ ասում էր, թե Ռուսաստանը փորձում է վերականգնել Խորհրդային Միությունը»,- ասել է նա։Օվերչուկն ընդգծել է, որ ԵԱՏՄ-ն կառուցվել է չորս ազատությունների՝ ապրանքների, ծառայությունների, կապիտալի և աշխատուժի ազատ տեղաշարժի շուրջ, որոնք դրված են եղել նրա հիմքում։Ավելի վաղ ՌԴ ԱԳՆ-ում հայտարարել էին, որ Հայաստանի անդամակցությունը Եվրոպական միությանը կհակասի նրա ժողովրդի երկարաժամկետ շահերին։ՀՀ վարչապետ Նիկոլ Փաշինյանն օգոստոսի 24-ին հայտարարեց, որ Հայաստանն առաջիկայում պաշտոնական դիմում կներկայացնի ԵՄ–ին անդամակցելու համար։Ավելի վաղ Կրեմլում հայտարարել էին, որ Եվրամիությանն ինտեգրվելու ձգտումը Հայաստանի ինքնիշխան իրավունքն է, բայց Երևանը չի կարող և չպետք է իրականացնի այդ քաղաքականությունը ԵԱՏՄ երկրների հաշվին: Դրան հաջորդեցին դեպի Ռուսաստան հայկական արտադրանքի արտահանման սահմանափակումները։Մայիսի 9-ին ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։Նիկոլ Փաշինյանը մայիսի 11-ին լրագրողներին ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:Վիճակագրական տվյալների համաձայն՝ Հայաստանը Եվրասիական տնտեսական միությունից դուրս գալու դեպքում կկորցնի ապրանքաշրջանառության գրեթե 40%-ը: