Անդորրան ներկայացնող «Ինտեր Էսկալադեսը» հասել է պատմական հաջողության ու նվաճել Կոնֆերենցիաների լիգայի հիմնական փուլի ուղեգիր:
Որակավորման փուլի փլեյ-օֆֆում «Ինտեր Էսկալադեսը» հետխաղային 11-մետրանոցներով հաղթել է Կոսովոյի չեմպիոն «Դրիտային»: Առաջին հանդիպումն ավարտվել էր 2:2 հաշվով, իսկ Անդորրայում կայացած պատասխան խաղում գրանցվել է գոլազուրկ ոչ-ոքի:
Պատմության մեջ առաջին անգամ Անդորրան ներկայացուցիչ կունենա եվրագավաթների հիմնական փուլում:
«Ինտեր Էսկալադեսը» պայքարը սկսել էր Կոնֆերենցիաների լիգայի որակավորման երրորդ փուլից, որտեղ երկու անգամ հաղթել էր էստոնական «Ֆլորային» (2:0, 4:0):
Դավիթ Եղիազարյան