«Էրդողանը մահացել է» գրառման հրապարակումից հետո Թուրքիայում հետաքննություն է սկսվել

Օգոստոսի 25-ին Թուրքիայում տեղական Aydın Denge թերթի ֆեյսբուքյան էջը տարածել է լուսանկար, որտեղ սև ֆոնին դեղին և սպիտակ գույներով «Էրդողանը մահացել է» գրառումն է եղել։

Թուրքական լրատվամիջոցների փոխանցմամբ՝ այս գրառումից հետո թերթի կայքում հրապարակված լուրում նշվել է, որ այն վերաբերում է «Գյուլշեն Էրդողան» անունով քաղաքացու մահվան մասին հայտարարությանը։

Այս հրապարակումից հետո Այդընի գլխավոր դատախազությունը հետաքննություն է սկսել Թուրքիայի քրեական օրենսգրքի  217/A հոդվածի համաձայն, որը վերաբերում է «հանրությանը մոլորեցնող տեղեկություններ հրապարակայնորեն տարածելու» հանցագործությանը։

Odatv-ի փոխանցմամբ՝ հետաքննության շրջանակում թերթի ներկայացուցչի, գլխավոր խմբագրի և թղթակցի ձերբակալման օրդերներ են տրվել։

Թարգմանությունը՝ Էմմա Չոբանյանի