Դիմելով վարչապետ Նիկոլ Փաշինյանին՝ ընդդիմադիր պատգամավոր, Վանաձորի նախկին քաղաքապետ Մամիկոն Ասլանյանն ասաց. «Լսում էի ձեր ելույթը՝ դատարանների մասին. մի պահ գայթակղություն առաջացավ գալ, ձեզ փաթաթվել, ասել՝ փաստորեն դուք էսքան ազնիվ, անմեղ մարդ եք եղել, ես էլ մտածել եմ, թե դուք եք ինձ նստեցրել… Վերջը, հետո իրականություն վերադարձա, հասկացա՝ դատավորն էլ էր ձեր կողմից նշանակված, դատախազն էլ, մյուսն էլ, մյուսն էլ»:
Հիշեցնենք՝ Փաշինյանը, Կառավարության 2026-2031թթ. ծրագրի քննարկման շրջանակներում, պատասխանում է պատգամավորների հարցերին: