Թուրքիայի արդարադատության նախարարությունը Ինտերպոլից «կարմիր ծանուցում» է խնդրել Իսրայելի վարչապետ Բենիամին Նեթանյահուի, ինչպես նաև իսրայելցի պաշտոնյա Աֆեկ Մոսկովիչի նկատմամբ՝ ցեղասպանության մեղադրանքով, հաղորդում է Daily Sabah-ը։
Գործը վերաբերում է 2026 թվականի գարնանը Սումուդ նավատորմի միջադեպին։
Ինտերպոլից այսպես կոչված «կարմիր ծանուցումը» տրվում է անդամ պետությունների խնդրանքով և նախատեսում է նշված անձի հետախուզում ու ձերբակալություն՝ հետագա արտահանձնման կամ այլ իրավական գործողությունների համար։
«Գլոբալ Սումուդ նավատորմը» միջազգային քաղաքացիական հասարակության նախաձեռնություն էր, որը մեկնարկել է 2025 թվականին պաղեստինամետ կազմակերպությունների կոալիցիայի կողմից։ Դրա նպատակն էր ճեղքել Գազայի հատվածի ծովային շրջափակումը, մարդասիրական օգնություն հասցնել և ուշադրություն հրավիրել անկլավի բնակչության ծանր վիճակի վրա։ Ձերբակալությունից առաջ Իսրայելը «Գլոբալ Սումուդ նավատորմի» մասնակիցներին զգուշացրել է փոխել ուղղությունը։
Մայիսի 18-ին իսրայելցի զինվորականները սկսել են Միջերկրական ծովի միջազգային ջրերում Գազայի ափից մոտ 250 ծովային մղոն հեռավորության վրա գտնվող նավատորմը կալանելու գործողությունը: Այն ավարտվել է մայիսի 19-ին, նավատորմի բոլոր նավերը վերահսկողության տակ են վերցվել, ձերբակալվել է 39 երկրի 430 ակտիվիստ: