Ամռան ավարտին, երբ Հյուսիսային կիսագնդում եղանակն աստիճանաբար մեղմանում է, ճանապարհորդները, ովքեր խուսափում էին ամառային շոգից, դարձյալ սկսում են քաղաքային տուրիզմի ծրագրեր կազմել:
Premier Inn հյուրանոցային ցանցը գիտական հետազոտության միջոցով պարզել է, թե աշխարհի որ քաղաքներն ունեն ամենագրավիչ ամառային տեսարանները: Հետազոտության ընթացքում ուսումնասիրվել են ավելի քան 60 խոշոր քաղաքների ամառային լուսանկարներ. հատուկ տեխնոլոգիայի (eye-tracking) միջոցով չափվել է, թե որ լուսանկարներն են ամենաարագը գրավում մասնակիցների ուշադրությունը և որոնց վրա է հայացքն ամենաերկարը կանգ առնում:
Աշխարհի ամենագեղեցիկ ամառային քաղաքների առաջատարները
1. Բանֆ, Կանադա (96.0 միավոր) – Զբաղեցրել է առաջին տեղը: Փայտյա տնակներով ու վեհաշուք լեռներով շրջապատված այս քաղաքի լուսանկարները մասնակիցները դիտել են միջինում 3․2 վայրկյան, ինչն ամենաբարձր ցուցանիշն է:
2. Միկոնոս, Հունաստան (87.3 միավոր) – Հայտնի սպիտակեցված տներով ու վառ կապույտ ծովով աչքի ընկնող կղզի-քաղաքը դարձել է ամենաարագ նկատվող ուղղությունը. մասնակիցներից պահանջվել է ընդամենը 1․5 վայրկյան այն նկատելու համար:
3. Սիդնեյ, Ավստրալիա (85.6 միավոր) – Երրորդ հորիզոնականում է՝ շնորհիվ իր վառ քաղաքային լողափերի և ամառային ռելաքս մթնոլորտի:
4. Բրյուգե, Բելգիա (84.1 միավոր) – Ջրանցքների և պատմական ճարտարապետության լաբիրինթոս հիշեցնող քաղաքը զբաղեցրել է 4-րդ տեղը:
5. Բրիստոլ, Մեծ Բրիտանիա (83.7 – Եզրափակում է լավագույն հնգյակը:
Ընդհանուր առմամբ, 30 ամենագեղեցիկ քաղաքների ցանկում ընդգրկվել է եվրոպական 19 ուղղություն, որոնցից 5-ը՝ Մեծ Բրիտանիայից (Բրիստոլ, Լիվերպուլ՝ 15-րդ տեղ, Բաթ՝ 25-րդ տեղ, Գլազգո՝ 27-րդ տեղ և Բրայթոն՝ 29-րդ տեղ):