Օֆշորային կապիտալի հարկման ուղղությամբ ուժեղացող արշավը ստիպում է Չինաստանի ունևոր քաղաքացիներին վերանայել իրենց թրասթների կառուցվածքն ու ներդրումային ակտիվները, Reuters-ին հայտնել են մի շարք իրավաբաններ և խորհրդատուներ։ Պեկինը խստացնում է կապիտալի արտահոսքի և հարկային կանոնների պահպանման նկատմամբ վերահսկողությունը՝ աճող բյուջետային դեֆիցիտի պայմաններում։
Ինչպես հիշեցնում է Reuters-ը, հուլիսի վերջին իշխանությունները վերանայել են կանոնները, որոնց համաձայն՝ բաժնետոմսերը, անշարժ գույքը կամ այլ ակտիվներ օֆշորային վստահառություններին փոխանցելիս դրանց արժեքի աճից գանձվում է 20% հարկ։ Նման թրասթներից և դրանց կողմից վերահսկվող օֆշորային կառույցներից ստացվող եկամուտները նույնպես ամեն տարի հարկվելու են 20% դրույքաչափով։
2023 թվականի հունվարից վստահառություններին փոխանցված ակտիվների չվճարված հարկերը, ինչպես նաև մինչև 2026 թվականը թրասթներից ստացված եկամուտների հարկերը պետք է հայտարարագրվեն 90 օրվա ընթացքում:
Այս միջոցառումները որոշ ունևոր քաղաքացիների ստիպել են շտապ գնահատել իրենց հարկային պարտավորությունները, միջոցներ ներգրավել դրանք մարելու համար և վերանայել իրենց ներդրումների կառուցվածքը։ Այս նախաձեռնությունները նաև ուժեղացրել են մտավախությունները, որ Պեկինը կարող է ընդլայնել հարկային ճնշումն ու օֆշորային կապիտալի նկատմամբ վերահսկողությունը։