https://arm.sputniknews.ru/20260820/irani-dem-gvortsvoghutjan-yntacqum-aveli-qan-750-amerikaci-zintsarajvogh-e-viravvorvel-105944605.html
Իրանի դեմ գործողության ընթացքում ավելի քան 750 ամերիկացի զինծառայող է վիրավորվել
Իրանի դեմ գործողության ընթացքում ավելի քան 750 ամերիկացի զինծառայող է վիրավորվել
Sputnik Արմենիա
Զոհված ամերիկացի զինծառայողների թիվն առայժմ մնում է 18-ի մակարդակում։ 20.08.2026, Sputnik Արմենիա
2026-08-20T17:36+0400
2026-08-20T17:36+0400
2026-08-20T17:36+0400
ամն
իրանի իսլամական հանրապետություն
զինծառայող
մահ
https://cdn.am.sputniknews.ru/img/07ea/03/0a/99683228_0:0:3192:1796_1920x0_80_0_0_415590b7ed10241126715da0feb94a9e.jpg.webp
ԵՐԵՎԱՆ, 20 օգոստոսի – Sputnik. Իրանի հետ հակամարտության ընթացքում վիրավորված ամերիկացի զինծառայողների ընդհանուր թիվը հասել է 757-ի։ Այս մասին հայտնում է ՌԻԱ Նովոստին՝ հղում անելով Պենտագոնի զեկույցներին։Ամերիկյան ռազմական գերատեսչության ներքին վիճակագրության համաձայն (օգոստոսի 19-ի դրությամբ)՝ «Էպիկական ցասում» գործողության ընթացքում, որի ավարտի մասին ԱՄՆ նախագահ Դոնալդ Թրամփի վարչակազմը հայտարարեց մայիսի 5-ին, տուժել է 418 զինծառայող։Եվս 339 մարդ վիրավորվել է հուլիսի 7-ից ի վեր, երբ ԱՄՆ-ն հարվածների նոր շարք հասցրեց Իրանին։ Այսպիսով` վիրավորների ընդհանուր քանակը հասել է 757-ի։Ըստ Պենտագոնի տվյալների՝ 14 զինվորական զոհվել է «Էպիկական ցասում» գործողության ընթացքում, ևս չորսը՝ հուլիսի 7-ից հետո։Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։ Իրանցի զինվորականները սկսեցին հարվածներ հասցնել Մերձավոր Արևելքի մի շարք երկրներում գտնվող ամերիկյան ռազմակայաններին։Օգոստոսի 2-ին ԱՄՆ նախագահ Դոնալդ Թրամփը հայտարարեց, որ Իրանի դեմ լայնածավալ ռազմական գործողությունը չեղարկվում է՝ հաշվի առնելով նախատեսվող գործարքը, որը, նրա խոսքով, ներառում է Հորմուզի նեղուցի բացում և իրանական միջուկային ծրագրի շուրջ պայմանավորվածություններ:Վերջին շաբաթներին Վաշինգտոնն ու Թեհրանը միջնորդների մասնակցությամբ փորձում են համաձայնեցնել հակամարտության ավարտի վերաբերյալ նոր գործարքի պայմանները։
ամն
իրանի իսլամական հանրապետություն
2026
Լուրեր
am_HY
https://cdn.am.sputniknews.ru/img/07ea/03/0a/99683228_0:0:2732:2048_1920x0_80_0_0_d15f469484503e1e37a4f4f9905367ee.jpg.webp
ամն, իրանի իսլամական հանրապետություն, զինծառայող, մահ
ամն, իրանի իսլամական հանրապետություն, զինծառայող, մահ
Զոհված ամերիկացի զինծառայողների թիվն առայժմ մնում է 18-ի մակարդակում։
Ամերիկյան ռազմական գերատեսչության ներքին վիճակագրության համաձայն (օգոստոսի 19-ի դրությամբ)՝ «Էպիկական ցասում» գործողության ընթացքում, որի ավարտի մասին ԱՄՆ նախագահ Դոնալդ Թրամփի վարչակազմը հայտարարեց մայիսի 5-ին, տուժել է 418 զինծառայող։
Եվս 339 մարդ վիրավորվել է հուլիսի 7-ից ի վեր, երբ ԱՄՆ-ն հարվածների նոր շարք հասցրեց Իրանին։ Այսպիսով` վիրավորների ընդհանուր քանակը հասել է 757-ի։
Ըստ Պենտագոնի տվյալների՝ 14 զինվորական զոհվել է «Էպիկական ցասում» գործողության ընթացքում, ևս չորսը՝ հուլիսի 7-ից հետո։
Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։ Իրանցի զինվորականները սկսեցին հարվածներ հասցնել Մերձավոր Արևելքի մի շարք երկրներում գտնվող ամերիկյան ռազմակայաններին։
Վերջին շաբաթներին Վաշինգտոնն ու Թեհրանը միջնորդների մասնակցությամբ փորձում են համաձայնեցնել հակամարտության ավարտի վերաբերյալ նոր գործարքի պայմանները։