«Հայաստանի Հանրապետության Սահմանադրության 151-րդ հոդվածի համաձայն՝ Կառավարության կազմավորումից հետո՝ քսանօրյա ժամկետում, վարչապետն Ազգային ժողով է ներկայացնում Կառավարության ծրագիրը» Ասվում է Կառավարության օգոստոսի 20-ի նիստի օրակարգում ներառած նոր կառավարության ծրագիրը հաստատելու որոշման հիմնավորման մեջ։
«Վերոնշյալի կատարումն ապահովելու անհրաժեշտությամբ պայմանավորված՝ մշակվել է Հայաստանի Հանրապետության կառավարության ծրագիրը:
Հայաստանի Հանրապետության կառավարության ծրագիրը հիմնված է «Իրական Հայաստանի» գաղափարախոսության, 2026 թվականի հունիսի 7-ի խորհրդարանական ընտրություններում «Քաղաքացիական պայմանագիր» կուսակցության նախընտրական ծրագրի, ինչպես նաև Հայաստանի տնտեսական և ինստիտուցիոնալ վերափոխման դոկտրինի վրա:
Կառավարության ծրագիրը ներառում է՝
• Նախաբան
• Արտաքին քաղաքականություն և անվտանգություն.
• Մարդկային կապիտալ և բարեկեցություն.
• Տնտեսական վերափոխում.
• Քաղաքաշինություն և ենթակառուցվածքներ.
• Ժողովրդավարություն, արդարադատություն և կոռուպցիայի դեմ պայքար.
• Ինստիտուցիոնալ զարգացում.
• Ամփոփում:
Ազգային ժողովի կողմից Կառավարության ծրագրի հավանության արժանանալուց հետո Կառավարությունը եռամսյա ժամկետում կհաստատի Կառավարության գործունեության միջոցառումների հնգամյա ծրագիրը»,- ասվում է փաստաթղթում։
Ամբողջ ծրագիրը օրակարգի 24-րդ հարցում:
85 էջից բաղկացած ծրագիրը ամփոփվում է հետևյալ մտքով.
«Այս ծրագրի հիման վրա Կառավարությունն ընդունելու է իր գործունեության հնգամյա միջոցառումների ծրագիրը և իրագործելու է այն։ Ծրագրի իրականացման արդյունքում ակնկալվում է ունենալ նոր որակի պետություն և ապահովել պետության վերելքը։ Հայաստանի Հանրապետությունն այսպիսով թևակոխում է իր պատմության այն փուլը, որն անվանում ենք Չորրորդ Հանրապետություն»։