https://arm.sputniknews.ru/20260819/trampy-pndum-e-vor-kzhdhn-uni-57-shat-hzvor-mijukajin-martalicq-105913727.html
Թրամփը պնդում է, որ ԿԺԴՀ–ն ունի 57 «շատ հզոր» միջուկային մարտալիցք
Թրամփը պնդում է, որ ԿԺԴՀ–ն ունի 57 «շատ հզոր» միջուկային մարտալիցք
Sputnik Արմենիա
Հյուսիսային Կորեայի միջուկային մարտալիցքերի քանակի մասին տվյալների աղբյուրը ԱՄՆ նախագահը չի բացահայտել: 19.08.2026, Sputnik Արմենիա
2026-08-19T20:50+0400
2026-08-19T20:50+0400
2026-08-19T20:55+0400
դոնալդ թրամփ
https://cdn.am.sputniknews.ru/img/1940/41/19404156_0:0:1600:901_1920x0_80_0_0_ed433f37aed20e4099f13b2e8c745ffa.jpg.webp
ԵՐԵՎԱՆ, 19 օգոստոսի – Sputnik. Հյուսիսային Կորեան 57 հզոր միջուկային մարտալիցք ունի։ Այս մասին հայտարարել է ԱՄՆ նախագահ Դոնալդ Թրամփը:Միևնույն ժամանակ, ԱՄՆ նախագահը կրկին ընդգծել է, որ լավ հարաբերություններ է պահպանում Հյուսիսային Կորեայի առաջնորդ Կիմ Չեն Ինի հետ:«Ես նրա հետ լավ եմ, և գիտեք ինչ՝ նրա հետ իմ շփվելու փաստը լավ է, ոչ թե վատ: Նա 57 շատ հզոր միջուկային լիցք ունի։ Չի կարելի թույլ տալ, որ դա տեղի ունենա։ Եթե ես լինեի նախագահ, դա թույլ չէի տա։ Բայց նա դրանք ունի», – Սպիտակ տան մոտ լրագրողներին ասել է Թրամփը։Հյուսիսային Կորեայի միջուկային մարտալիցքերի քանակի մասին տվյալների աղբյուրը ԱՄՆ նախագահը չի բացահայտել:Հայտարարությունը հնչել է ԱՄՆ-ի և Հարավային Կորեայի համատեղ զորավարժությունների քննարկման ֆոնին։ Ավելի վաղ Թրամփը հայտնել էր, որ Պենտագոնի ղեկավար Փիթ Հեգսեթին հանձնարարել է կրճատել զորավարժությունների ծավալները՝ դրանց անցկացումը ոչ պարտադիր համարելով: Միաժամանակ ԱՄՆ նախագահը նշել էր, որ լավ հարաբերություններ ունի Կիմ Չեն Ինի հետ։Միևնույն ժամանակ Փհենյանը հասկացրել է, որ զորավարժությունների ծավալների կրճատումը սկզբունքորեն չի փոխում ԿԺԴՀ-ի վերաբերմունքը դրանց նկատմամբ: Հյուսիսային Կորեայի կենտրոնական հեռագրական գործակալության փախանցմամբ՝ երկրի Աշխատավորական կուսակցության կենտրոնական կոմիտեի բաժնի վարիչի տեղակալ, Հյուսիսային Կորեայի առաջնորդի քույր Կիմ Յո Չժոնը հայտարարել է, որ ԿԺԴՀ-ին չեն հետաքրքրում Վաշինգտոնի նման քայլերը։Նրա խոսքով՝ ամերիկա-հարավկորեական զորավարժությունների ծավալների կամ տևողության կրճատումը չի փոխում դրանց «սադրիչ և հարձակողական էությունը»: Փհենյանի համար նշանակություն ունի ոչ թե առանձին զորավարժությունների ձևաչափը, այլ ԱՄՆ-ի և Հարավային Կորեայի համատեղ զորավարժությունների շարունակման փաստը։Հյուսիսային Կորեայի ղեկավարությունը բազմիցս հայտարարել է, որ մտադիր չէ հրաժարվել երկրի միջուկային կարգավիճակից: Կիմ Չեն Ինն ընդգծել է, որ Փհենյանի դիրքորոշումն այս հարցում մնում է «բացարձակ անփոփոխ»: ԿԺԴՀ-ի իշխանություններն իրենց միջուկային ներուժի զարգացումը բացատրում են երկրի ինքնիշխանության, անվտանգության և գոյության ու զարգացման իրավունքի պաշտպանության անհրաժեշտությամբ:
2026
Լուրեր
am_HY
https://cdn.am.sputniknews.ru/img/1940/41/19404156_71:0:1494:1067_1920x0_80_0_0_c4d1c13ddd6187121b54d5c97eafe383.jpg.webp
դոնալդ թրամփ
Հյուսիսային Կորեայի միջուկային մարտալիցքերի քանակի մասին տվյալների աղբյուրը ԱՄՆ նախագահը չի բացահայտել:
ԵՐԵՎԱՆ, 19 օգոստոսի – Sputnik. Հյուսիսային Կորեան 57 հզոր միջուկային մարտալիցք ունի։ Այս մասին հայտարարել է ԱՄՆ նախագահ Դոնալդ Թրամփը:
Միևնույն ժամանակ, ԱՄՆ նախագահը կրկին ընդգծել է, որ լավ հարաբերություններ է պահպանում Հյուսիսային Կորեայի առաջնորդ Կիմ Չեն Ինի հետ:
«Ես նրա հետ լավ եմ, և գիտեք ինչ՝ նրա հետ իմ շփվելու փաստը լավ է, ոչ թե վատ: Նա 57 շատ հզոր միջուկային լիցք ունի։ Չի կարելի թույլ տալ, որ դա տեղի ունենա։ Եթե ես լինեի նախագահ, դա թույլ չէի տա։ Բայց նա դրանք ունի», – Սպիտակ տան մոտ լրագրողներին ասել է Թրամփը։
Հյուսիսային Կորեայի միջուկային մարտալիցքերի քանակի մասին տվյալների աղբյուրը ԱՄՆ նախագահը չի բացահայտել:
Հայտարարությունը հնչել է ԱՄՆ-ի և Հարավային Կորեայի համատեղ զորավարժությունների քննարկման ֆոնին։ Ավելի վաղ Թրամփը հայտնել էր, որ Պենտագոնի ղեկավար Փիթ Հեգսեթին հանձնարարել է կրճատել զորավարժությունների ծավալները՝ դրանց անցկացումը ոչ պարտադիր համարելով: Միաժամանակ ԱՄՆ նախագահը նշել էր, որ լավ հարաբերություններ ունի Կիմ Չեն Ինի հետ։
Միևնույն ժամանակ Փհենյանը հասկացրել է, որ զորավարժությունների ծավալների կրճատումը սկզբունքորեն չի փոխում ԿԺԴՀ-ի վերաբերմունքը դրանց նկատմամբ: Հյուսիսային Կորեայի կենտրոնական հեռագրական գործակալության փախանցմամբ՝ երկրի Աշխատավորական կուսակցության կենտրոնական կոմիտեի բաժնի վարիչի տեղակալ, Հյուսիսային Կորեայի առաջնորդի քույր Կիմ Յո Չժոնը հայտարարել է, որ ԿԺԴՀ-ին չեն հետաքրքրում Վաշինգտոնի նման քայլերը։
Նրա խոսքով՝ ամերիկա-հարավկորեական զորավարժությունների ծավալների կամ տևողության կրճատումը չի փոխում դրանց «սադրիչ և հարձակողական էությունը»: Փհենյանի համար նշանակություն ունի ոչ թե առանձին զորավարժությունների ձևաչափը, այլ ԱՄՆ-ի և Հարավային Կորեայի համատեղ զորավարժությունների շարունակման փաստը։
Հյուսիսային Կորեայի ղեկավարությունը բազմիցս հայտարարել է, որ մտադիր չէ հրաժարվել երկրի միջուկային կարգավիճակից: Կիմ Չեն Ինն ընդգծել է, որ Փհենյանի դիրքորոշումն այս հարցում մնում է «բացարձակ անփոփոխ»: ԿԺԴՀ-ի իշխանություններն իրենց միջուկային ներուժի զարգացումը բացատրում են երկրի ինքնիշխանության, անվտանգության և գոյության ու զարգացման իրավունքի պաշտպանության անհրաժեշտությամբ: