Իրանը սպառնում է խափանել ԱՄՆ-ի ծովային շրջափակումը՝ բանակցությունների ձախողման դեպքում
Իրանի բարձրաստիճան, անունը չհրապարակված պաշտոնյան Reuters-ին հայտնել է, որ Իրանը կանցնի հարձակման, եթե ԱՄՆ-ը առաջիկա մի քանի շաբաթվա ընթացքում ամբողջությամբ չկատարի ժամանակավոր խաղաղ համաձայնագրի պայմանները։
Պաշտոնյան նշել է, որ բանակցությունների ձախողման դեպքում Թեհրանը սպառնում է ճեղքել ԱՄՆ-ի կողմից իրականացվող ծովային շրջափակումը։
Ավելի ուշ նա հայտարարել է, որ բանակցություններում ստեղծված փակուղու պատճառով Իրանը որոշել է անցնել պաշտպանական քաղաքականությունից «ամբողջովին հարձակողականի»։
«Իրանի կառույցները պետք է պատրաստ լինեն Հորմուզի նեղուցում և ընդհանուր առմամբ տարածաշրջանում լարվածության սրմանը, քանի որ Իրանը պատրաստ կլինի դժվար իրավիճակների դեպքում որոշումներ կայացնել և գործողություններ ձեռնարկել»,- ասել է պաշտոնյան։