Մարդիկ պետք է խուսափեն կանաչած, ծլած, կնճռոտված կամ փափուկ կարտոֆիլ ուտելուց, քանի որ այդ վիճակը կարող է վկայել տոքսինների բարձր մակարդակի մասին, զգուշացրել է գաստրոէնտերոլոգ Եվգենի Բելոուսովն «Իզվեստիա»-ի հետ զրույցում։
Կարտոֆիլը պարունակում է բնական սոլանին և չակոնին, որոնք պաշտպանում են բույսը վնասատուներից և հիվանդություններից։ Դրանց պարունակությունը ցածր է թարմ, չվնասված պալարներում, բայց կարող է աճել լույսի, ջերմության, ծլելու և մեխանիկական վնասների ազդեցության տակ։ Հետևաբար, կարտոֆիլի կանաչացումը կարող է ուղեկցվել գլիկոալկալոիդների մակարդակի բարձրացմամբ և ցույց տալ, որ այն պիտանի չէ օգտագործման համար։
Սոլանինի թունավորման նշանները ի հայտ են գալիս ընդունումից մի քանի ժամ անց։ Հաճախ հանդիպող ախտանիշներից են բերանում դառը կամ այրոցի զգացումը, սրտխառնոցը, փսխումը, որովայնի ցավը և լուծը: Եթե թունավորումը ծանր է, կարող են առաջանալ ուժեղ թուլություն, գլխապտույտ, քնկոտություն, շփոթվածություն և սրտի բաբախյունի անկանոնություն։
«Սովորական եփումը կանաչ կարտոֆիլը անվտանգ չի դարձնում: Սոլանինը ջերմակայուն է, ուստի եռացնելը, տապակելը կամ թխելը գործնականում ոչ մի ազդեցություն չեն ունենում դրա վրա», – ընդգծել է Բելոուսովը: