Հարավկորեական SK Hynix ընկերությունը 720 մլրդ դոլար կներդնի արհեստական բանականության համար նախատեսված համակարգչային հիշողության արտադրության աշխարհի խոշորագույն գործարանների ցանցի ստեղծման համար: Այս մասին հայտնում է CNBC-ն։
Վերջին մեկ տարվա ընթացքում SK Hynix-ի շուկայական կապիտալիզացիան ավելի քան հինգ անգամ աճել է և գերազանցել 1 տրլն դոլարը՝ արհեստական բանականության տեխնոլոգիաների նկատմամբ բարձր պահանջարկի ֆոնին։ Առաջին եռամսյակում ընկերությունը զբաղեցրել է բարձր թողունակությամբ հիշողության շուկայի 58%-ը՝ առաջ անցնելով Samsung-ից և ամերիկյան Micron-ից, որոնց բաժինը կազմել է 21-ական տոկոս։ Նախագիծը ֆինանսավորելու համար արտադրողը հուլիսին 26.5 մլրդ դոլար է ներգրավել՝ բաժնետոմսերը Nasdaq բորսայում ցուցակագրելու միջոցով։ SK Group-ի նախագահ Չեյ Թե Վոնը նշել է, որ շուկայում բաղադրիչների սուր պակաս է նկատվում։
Ընդլայնման շրջանակում SK Hynix-ը նաև ԱՄՆ-ում իր առաջին՝ 4 մլրդ դոլար արժողությամբ ձեռնարկությունն է կառուցում Ինդիանա նահանգում։ Դրա շինարարության ավարտը նախատեսվում է 2028 թվականին։ Ավելի վաղ՝ 2020 թվականին, ընկերությունը 9 մլրդ դոլարով ձեռք բերելու պայմանավորվածություն էր ձեռք բերել Intel-ի NAND հիշողության արտադրության բիզնեսի վերաբերյալ։ Իսկ ընթացիկ տարվա հունվարին ԱՄՆ-ում գործարկել է 10 մլրդ դոլար կապիտալով դուստր ընկերություն։
Միաժամանակ ամերիկյան մրցակիցներն ընդլայնում են արտադրական հզորությունները։ Micron-ը 50 մլրդ դոլար է ներդնում Այդահո նահանգում գործարանների կառուցման համար և Նյու Յորքում 100 մլրդ դոլար արժողությամբ արտադրական համալիր է կառուցում։
Տեխնոլոգիական հրապարակումներն իրականացվում են Իդրամի աջակցությամբ։