https://arm.sputniknews.ru/20260813/nikvol-pashinjany-tvarkec-erkatughu-tshakatagri-veraberjal-hnaravvor-scenarnery-105734202.html
Նիկոլ Փաշինյանը թվարկեց երկաթուղու ճակատագրի վերաբերյալ հնարավոր սցենարները
Նիկոլ Փաշինյանը թվարկեց երկաթուղու ճակատագրի վերաբերյալ հնարավոր սցենարները
Sputnik Արմենիա
Փաշինյանի խոսքով՝ Հայաստանը որևէ խնդիր չունիերկաթուղին ռուսական ընկերության կառավարման ներքո գտնվելու հետ։ 13.08.2026, Sputnik Արմենիա
2026-08-13T13:17+0400
2026-08-13T13:17+0400
2026-08-13T13:19+0400
հայաստան
երկաթուղի
նիկոլ փաշինյան
ռուսաստան
https://cdn.am.sputniknews.ru/img/07e6/04/0e/40892570_0:131:1600:1031_1920x0_80_0_0_1e7d396b6f006b12d0fdfb0461348573.jpg.webp
ԵՐԵՎԱՆ, 13 օգոստոսի – Sputnik. Հայկական երկաթուղու հետ կապված հարցը Հայաստանը ցանկանում է լուծել բարեկամական, այլ ոչ թե սուր ձևով, մասնագետների հետ մի շարք սցենարներ են քննարկվել։ Այսօր կառավարության նիստից հետո լրագրողների հետ ճեպազրույցում այս մասին ասաց ՀՀ վարչապետ Նիկոլ Փաշինյանը։Կառավարության ղեկավարի խոսքով՝ Հայաստանը որևէ խնդիր չունիերկաթուղին ռուսական ընկերության կառավարման ներքո գտնվելու հետ, ընդհակառակը՝ հարգանքով և ըմբռնումով է վերաբերվում Ռուսաստանի շահերին։ Ըստ նրա՝ խոսքն այն մասին է, որ այսօր հաստատված իրավիճակը խոչընդոտում է, որ Հայաստանն իրացնի պատմական հնարավորությունը, որ մեր երկաթուղին ինտեգրվի միջազգային երկաթուղային ցանցին։Ինչ վերաբերում է «2 միլիարդ դոլար վարձավճարի» ակնկալիքին, Փաշինյանի խոսքով՝ ինքը կոնկրետ բան նկատի չի ունեցել, խոսել է հնարավոր սցենարների մասին։«Ես կոնկրետ բան չեմ նշել, դա նշել եմ զարգացման հնարավոր սցենարներից մեկը` միաժամանակ նկատի ունենալով բոլոր այն հնարավոր կետերը, որտեղ տեսականորեն կամ գործնականում դա կարելի է իրականացնել»,- նշեց Փաշինյանը։Նա հավելեց՝ խզման ճանապարհով չեն ուզում գնալ։Հիշեցնենք` հայկական երկաթուղին «Հարավկովկասյան երկաթուղու» կոնցեսիոն կառավարմանն է հանձնվել 30 տարով 2008 թվականի փետրվարին՝ ևս 10 տարի երկարաձգելու իրավունքով։ Փետրվարի 13-ին Փաշինյանն առաջարկեց Հայաստանի երկաթուղիների կոնցեսիոն կառավարումը վաճառել Երևանի և Մոսկվայի բարեկամ երկրի։ Իսկ մարտի 26-ին հայտարարեց, որ Երևանը դեմ չէ Հայաստանի երկաթուղին ղազախական կոնցեսիոն կառավարման հանձնելու տարբերակին, եթե այդ հարցում համաձայնություն ձեռք բերվի Ռուսաստանի հետ: ՌԴ տրանսպորտի նախարար Անդրեյ Նիկիտինը մարտի 3-ին հայտնեց, որ ՌԴ–ն Հայաստանի երկաթուղու կառավարումը Ղազախստանին հանձնելու հարցով բանակցություն չի վարում։
2026
Լուրեր
am_HY
https://cdn.am.sputniknews.ru/img/07e6/04/0e/40892570_88:0:1512:1068_1920x0_80_0_0_554fbc70997cb032c15a07f90de52675.jpg.webp
հայաստան, երկաթուղի, նիկոլ փաշինյան, ռուսաստան
հայաստան, երկաթուղի, նիկոլ փաշինյան, ռուսաստան
Փաշինյանի խոսքով՝ Հայաստանը որևէ խնդիր չունիերկաթուղին ռուսական ընկերության կառավարման ներքո գտնվելու հետ։
ԵՐԵՎԱՆ, 13 օգոստոսի – Sputnik. Հայկական երկաթուղու հետ կապված հարցը Հայաստանը ցանկանում է լուծել բարեկամական, այլ ոչ թե սուր ձևով, մասնագետների հետ մի շարք սցենարներ են քննարկվել։ Այսօր կառավարության նիստից հետո լրագրողների հետ ճեպազրույցում այս մասին ասաց ՀՀ վարչապետ Նիկոլ Փաշինյանը։
«Փոխադարձաբար հասկանանք, ընկալենք շահերն ու գնանք կոմպրոմիսների։ Դրանցից մեկը ռուսական կողմից կարող էլ լինել կոնցեսիոն իրավունքի վաճառքը. դա կարող է լինել ամբողջական կամ մասամբ, այսինքն՝ բաժնետիրական որոշակի կոնֆիգուրացիաներ կարող են լինել, տոկոսային բաշխվածությունը լինի այնպես, որ Հայաստանի՝ միջազգային տրանսպորտային ցանցին ինտեգրվելու պատմական շանսը չխոչընդոտի»,- նշեց Փաշինյանը։
Կառավարության ղեկավարի խոսքով՝ Հայաստանը որևէ խնդիր չունի
երկաթուղին ռուսական ընկերության կառավարման ներքո գտնվելու հետ, ընդհակառակը՝ հարգանքով և ըմբռնումով է վերաբերվում Ռուսաստանի շահերին։ Ըստ նրա՝ խոսքն այն մասին է, որ այսօր հաստատված իրավիճակը խոչընդոտում է, որ Հայաստանն իրացնի պատմական հնարավորությունը, որ մեր երկաթուղին ինտեգրվի միջազգային երկաթուղային ցանցին։
Ինչ վերաբերում է «2 միլիարդ դոլար վարձավճարի» ակնկալիքին, Փաշինյանի խոսքով՝ ինքը կոնկրետ բան նկատի չի ունեցել, խոսել է հնարավոր սցենարների մասին։
«Ես կոնկրետ բան չեմ նշել, դա նշել եմ զարգացման հնարավոր սցենարներից մեկը` միաժամանակ նկատի ունենալով բոլոր այն հնարավոր կետերը, որտեղ տեսականորեն կամ գործնականում դա կարելի է իրականացնել»,- նշեց Փաշինյանը։
Նա հավելեց՝ խզման ճանապարհով չեն ուզում գնալ։