ԵՄ–ն ուզում է ՄՕԿ–ին «պատժել» ՌԴ մարզիկների նկատմամբ պատժամիջոցները վերացնելու համար. ԱՀԾ

ԵՄ–ն ուզում է ՄՕԿ–ին «պատժել» ՌԴ մարզիկների նկատմամբ պատժամիջոցները վերացնելու համար. ԱՀԾ

ԵՄ–ն ուզում է ՄՕԿ–ին «պատժել» ՌԴ մարզիկների նկատմամբ պատժամիջոցները վերացնելու համար. ԱՀԾ

Sputnik Արմենիա

ՌԴ արտաքին հետախուզության ծառայությունն ընդգծել է` ԵՄ-ն արդյունավետ միջոց է համարում միջազգային մրցումներից առաջ ՌԴ թիմերի անդամների դեմ սադրանքները։ 11.08.2026, Sputnik Արմենիա

2026-08-11T13:33+0400

2026-08-11T13:33+0400

2026-08-11T13:34+0400

ռուսաստան

միջազգային օլիմպիական կոմիտե

https://cdn.am.sputniknews.ru/img/969/79/9697988_56:0:3697:2048_1920x0_80_0_0_d843122933701fa99ca162432b8592b4.jpg.webp

ԵՐԵՎԱՆ, 11 օգոստոսի – Sputnik. Եվրամիությունը ցանկանում է Միջազգային օլիմպիական կոմիտեի (ՄՕԿ) ֆինանսավորումը սահմանափակել ռուսաստանցի մարզիկների նկատմամբ պատժամիջոցները վերացնելու համար։ Այս մասին հայտնել է ՌԴ արտաքին հետախուզության ծառայության (ԱՀԾ) մամուլի բյուրոն։Նշվում է նաև, որ Եվրամիությունը դիտարկում է վիզայի արգելքների և նոր հասցեական սահմանափակումների հնարավորությունը ռուսաստանցի մարզիկների էլ ավելի լայն շրջանակի նկատմամբ։ԱՀԾ–ի տվյալներով` եվրոպական էլիտան խիստ մտահոգված է Միջազգային օլիմպիական կոմիտեի (ՄՕԿ) կողմից Ռուսաստանի օլիմպիական կոմիտեի և ռուսաստանցի մարզիկների նկատմամբ պատժամիջոցները վերացնելու որոշմամբ և կարծում է, որ նման քայլը փաստացի չեզոքացնում է Ռուսաստանին համաշխարհային սպորտից «մեկուսացնելու» Արևմուտքի երկարամյա ջանքերը։Մասնավորապես ԵՄ-ն կարծում է, որ միջազգային մրցումների նախաշեմին Ռուսաստանի հավաքականի անդամների դեմ սադրիչ գործողությունները ռուսաստանցի մարզիկներին «խաղից հանելու» արդյունավետ միջոց են։ Այս տարբերակը փորձարկվել է հուլիսի սկզբին Մյունխենում, երբ ոստիկանությունը «լրտեսության» կասկածանքով ձերբակալեց Ռուսաստանի հավաքականի անդամներին Եվրոպայի պատանեկան առաջնության ժամանակ։«Սակայն ահաբեկումը չի խանգարել, որ ռուսաստանցիները առաջին տեղը զբաղեցնեն մրցաշարի ընդհանուր հաշվարկում», – ընդգծվում է հայտարարության մեջ։Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։Մարտական գործողություններն ընթանում են մինչ օրս։