ՀՀԿ խոսնակ Էդուարդ Շարմազանովի ֆեյսբուքյան գրառումը
Ներեցեք, բայց ձեր բերածը ոչ թե խաղաղություն է, այլ միակողմանի զիջում ու հրաժարում Անկախության հռչակագրի իդեալներից։
Պաշտոնական հաղորդագրության մեջ ասվում է. «Հայաստանի և Ադրբեջանի կողմից տևական խաղաղության ուղղությամբ իրականացվող քայլերն օրինակ են ամբողջ աշխարհի համար, և մենք տարածաշրջանի համար ակնկալում ենք պայծառ ու բարգավաճ ապագա»։
Ի՞նչն է օրինակ ամբողջ աշխարհի համար։
Սեփական պետության Անկախության հռչակագրից հրաժարվե՞լը, թե՞ Արցախում էթնիկ զտման վրա աչք փակելը։
Ո՞րն է օրինակելի խաղաղությունը։
Երբ ՀՀ ինքնիշխան տարածքի 240 քառ կմ օկուպացվա՞ծ է Ադրբեջանի կողմից, թե՞ Բաքվի ապօրինի դատավարությունն ու Արցախի ղեկավարության գերեվարումը։
Խաղաղությո՞ւն է արդյոք, երբ Ադրբեջանը պահանջում է ՀՀ-ից փոխել սահմանադրությունը։
Ո՞ր երկիրը կցանկանար նման խաղաղություն։
Սա միակողմանի զիջումների շարունակվող շարք է, ոչ թե արժանապատիվ խաղաղություն։
Խայտառակության անունը դրել են խաղաղություն ու գլուխ են գովում։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: