«Ինչպե՞ս եք գնահատում այսպես կոչված արևմտյան ադրբեջան հակահայկական կառույցի ռիսկերը ՀՀ-ի նկատմամբ»,- ԱԺ նիստի ժամանակ «Ուժեղ Հայաստան» խմբակցության պատգամավոր Գառնիկ Դավթյանը հարցրեց ՔՊ-ի կողմից Պաշտպանության և անվտանգության հարցերի մշտական հանձնաժողովի նախագահի թեկնածու առաջադրված Վիլեն Գաբրիելյանին։
Վիլեն Գաբրիելյանն այս առիթով ասաց․ «Արևմտյան Ադրբեջանի վերաբերյալ խոսույթը մեր հարևան երկրում որևէ բանով չի նպաստում ՀՀ-ի և Ադրբեջանի միջև խաղաղության ամրապնդմանը, որովհետև բավականին զգացմունքային մաս ունի այդ խոսույթը, որը մեր հանրության համար ընկալելի չէ։ Հետևել եմ նաև Ադրբեջանի հանրության հասարակական արձագանքներին, այնտեղ էլ միանշանակ չի ընկալվում այդ խոսույթը, այնտեղ էլ որոշակի անհասկացվածություն կա, թե դա ինչի վերաբերյալ է»։
Գառնիկ Դավթյանն արձագանքեց․ «Ադրբեջանում կա ձևավորված «Արևմտյան Ադրբեջան» հեռուստաընկերություն, մշակույթի կենտրոններ, նույն կառույցը բազմաթիվ այլ երկրներում ունի ներկայացվածություն դեսպանատների մակարդակով, կան երկրներ, որտեղ կան գրասենյակներ, տպագրվել են գրքեր, ընդհանուր առմամբ՝ էթնիկ փոփոխությունների տրամաբանության ներքո քաղաքականություն է վարվում»։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: