«Երեկ Վահագն Ալեքսանյանը երկու անգամ ինձ արդարացի դիտողություն արեց, երբ ես իր անվան մեջ մեկ տառի շփոթում, զեղչում ունեցա։ Այստեղ քանիցս Վեհափառ Հայրապետի անվան հետ կապված վիրավորում է հնչում։ Ցանկացած հոգևորականի ավազանի անունով դիմելը մեկ տառի տառասխալ չէ, այլ անարգանք է ոչ միայն հոգևորականին, այլև ամբողջ հոգևոր համայնքին»,- ԱԺ ամբիոնից հայտարարեց «Ուժեղ Հայաստան» խմբակցության պատգամավոր Էդգար Ղազարյանը՝ դիմելով Վեհափառ Հայրապետի անունը զեղչով հնչեցրած ՔՊ-ական պատգամավորներին։
Հետո էլ փաստեց՝ իր ու նաև այդ պատգամավորներից շատերի երեխաների ճակատին դաջված է Վեհափառի օրհնած մյուռոնը․ «Իմ և ձեզնից շատերի երեխաների ճակատին դաջված է այն մյուռոնը, որն օրհնել է Վեհափառ Հայրապետը։ Հասկանո՞ւմ եք՝ դուք ինչ եք ինձ հետ անում՝ որպես հայ քրիստոնյայի, երբ Վեհափառին անարգում եք իմ ներկայությամբ»։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: