«Այս զեկույցում գրված է, որ Երեւանն ունի բարենպաստ միկրոաշխարհագրական դիրք, որ ծովի մակերեւույթից 800-1400 մետր բարձր է, ինչը շատ լավ աշխարհագրական դիրք է, պարոն Ավինյան, բայց դուք մի քանի շաբաթ առաջ ասում էիք Երեւանի օդի վատ օդի պատճառը Երեւանի վատ աշխարհագրական դիրքն է եւ որպես օդի աղտոտման լուծում առաջարկում էիք արհեստական բանականությամբ կանխատեսումներ անել եւ մշակել գործողություններ:
Նաեւ Երեւանի խցանման համար առաջարկեցիք ներդնել արհեստական բանականությամբ լուսացույցներ: Պարոն Ավինյան, Երեւանի ամբողջ խնդիրների լուծման համար չե՞ք կարծում, որ ավելի հեշտ կլինի Ձեզ փոխարինել արհեստական բանականությամբ»,- Երեւանի քաղաքապետարանի ավագանու նիստի ժամանակ կես կատակ-կես լուրջ ասաց «Ազգային առաջընթաց» խմբակցությունից Պեդրո Զարոկյանը՝ անդրադառնալով Երեւան քաղաքի կայուն էներգետիկ զարգացման եւ կլիմայի գործողությունների ծրագիրը հաստատելու մասին Երեւան քաղաքի որոշման նախագծին։
Երեւանի քաղաքապետ Տիգրան Ավինյանն ի պատասխան հետեւյալ կերպ արձագանքեց. «Ձեզ որ արհեստական բանականությամբ փոխարինենք, միանշանակ ավելի մեծ արդյունքներ կստանանք»:
Նիստն ամբողջությամբ.
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: