«Դուք ասում եք՝ քաղաքական հայդուկ, մի ուրիշ տերմին էլ ես եմ մտցրել՝ քաղաքական քամելեոն։ Հարց է՝ ավելի լավ է լինել քաղաքական քամելեո՞ն, թե՞ քաղաքական հայդուկ՝ քամին որտեղից փչի, այդ գույնն ընդունես։ Իմ գործընկերները նշեցին, թե Դուք ինչ ճանապարհ եք անցել։ Դա է Ձեր արժեքային համակարգը, բայց դրանով հանդերձ՝ դա Ձեզ իրավունք չի տալիս մյուսներին պիտակավորել»,- ԱԺ նիստի ժամանակ հայտարարեց «Հայաստան» դաշինքի պատգամավոր Արթուր Խաչատրյանը՝ անդրադառնալով ՔՊ-ի կողմից ԱԺ նախագահի տեղակալի թեկնածու առաջադրված Հայկ Կոնջորյանի հայտարարություններին։
Ըստ նրա՝ ՀՀ-ում այժմ անդորր է, ոչ թե խաղաղություն․ «Ո՞ր դեպքում է խաղաղություն, երբ թշնամին միջամտո՞ւմ է ՀՀ ներքին գործերին, պարտադրում, որ փոխենք մեր Սահմանադրությունը։ Խաղաղությունը և անդորրը տարբեր բաներ են։ Մենք անդորրի, դադարի ժամանակաշրջանի մեջ ենք, բայց սա խաղաղություն չէ։ Խաղաղություն կարող է սահմանվել այն դեպքում, երբ կողմերի կենսական շահերը պաշտպանվեն»։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: