ԵՐԵՎԱՆ, Հայաստան — 01.08.2026 — Glovo Armenia-ն այսօր հայտարարում է նոր նախաձեռնության մեկնարկի մասին, որի շրջանակում ընկերությունն ամբողջությամբ կֆինանսավորի իր հարթակում ակտիվ բոլոր առաքիչների սանիտարական գրքույկների ձեռքբերման ծախսերը՝ վերահաստատելով իր հանձնառությունը սննդի անվտանգության, հաճախորդների վստահության և Հայաստանում մատուցվող ծառայությունների բարձր որակի նկատմամբ։
Թեև սանիտարական գրքույկի առկայությունը Հայաստանում վաղուց արդեն օրենքով սահմանված պարտադիր պահանջ է առաքիչների համար, Glovo-ն նպատակ ունի ապահովել այդ պահանջի լիարժեք իրականացումը՝ իր վրա վերցնելով առաքիչների ֆինանսական բեռը և ներդնելով նոր թվային գործիքներ, որոնք գործընթացը կդարձնեն առավել հետևողական, թափանցիկ և արդյունավետ՝ ամբողջ առաքման ցանցում։
Նախաձեռնության շրջանակում Glovo-ն հատկացրել է հատուկ բյուջե՝ ամբողջությամբ հոգալու սանիտարական գրքույկների ձեռքբերման ծախսերը՝ հնարավորություն տալով առաքիչներին կատարել օրենսդրական պահանջն առանց որևէ ֆինանսական ծախսի։ Միաժամանակ ընկերությունը իրականացրել է բազմափուլ հաղորդակցման արշավներ՝ գործընթացի բոլոր փուլերում իրազեկելով և աջակցելով առաքիչներին։
Այս նախաձեռնությունն առավել արդյունավետ դարձնելու նպատակով Glovo-ն նաև ներդրել է նոր գործառույթ առաքիչների հավելվածում, որի միջոցով առաքիչները կարող են անմիջապես վերբեռնել իրենց սանիտարական գրքույկները և ստանալ ավտոմատ ծանուցումներ գործընթացի կարգավիճակի ու դրա կարևորության վերաբերյալ։ Նոր համակարգը Glovo-ի օպերացիոն թիմին հնարավորություն է տալիս իրական ժամանակում հետևել գործընթացի ընթացքին և կապ հաստատել այն առաքիչների հետ, որոնք դեռևս չեն ավարտել այն։
Նախաձեռնությունը արտացոլում է Glovo Armenia-ի շարունակական ներդրումները առաքման փորձի բոլոր բաղադրիչների կատարելագործման ուղղությամբ՝ սկսած սննդի անվտանգության բարձր չափանիշներից մինչև օպերացիոն գերազանցություն՝ հաճախորդներին ապահովելով յուրաքանչյուր պատվերի նկատմամբ առավել մեծ վստահությամբ։ Սանիտարական գրքույկների ամբողջական ֆինանսավորումը կատարվում է բացառապես Glovo-ի միջոցներով և որևէ ազդեցություն չի ունենա հաճախորդների համար առաքման վճարների կամ ծառայությունների գնագոյացման վրա։
«Յուրաքանչյուր պատվեր մեր հաճախորդներին տրված խոստումն է», — ասել է Glovo Armenia-ի գլխավոր տնօրեն Թամար Գոճաօղլանեան «Ամբողջությամբ ֆինանսավորելով սանիտարական գրքույկները և գործընթացը դարձնելով պարզ ու հասանելի մեր առաքիչների համար՝ մենք ներդրում ենք կատարում ավելի անվտանգ առաքումների, ծառայությունների ավելի բարձր որակի և Glovo-ից օգտվող բոլոր մարդկանց ավելի լավ փորձառության ապահովման գործում։ Մենք համոզված ենք, որ օպերացիոն գերազանցությունը սկսվում է այն մարդկանց մասին հոգ տանելուց, ովքեր ամեն օր իրականություն են դարձնում մեր խոստումը»։
Այս նախաձեռնությունը Glovo Armenia-ի ավելի լայն հանձնառության մասն է՝ շարունակաբար բարձրացնելու հարթակում մատուցվող ծառայությունների որակի չափանիշները և միաժամանակ աջակցելու իր առաքիչների համայնքին։ Ներդրումներ կատարելով ինչպես տեխնոլոգիական լուծումների, այնպես էլ առաքիչների բարեկեցության ուղղությամբ՝ Glovo-ն շարունակում է սահմանել օպերացիոն գերազանցության և հաճախորդների լավագույն փորձառության չափանիշները Հայաստանի արագ առաքման ծառայությունների ոլորտում։
Glovo-ի մասին
Glovo-ն առաջատար տեխնոլոգիական հարթակ է, որը կապում է հաճախորդներին, բիզնեսներին և առաքիչներին՝ առաջարկելով բազմակատեգորիա, ըստ պահանջի ծառայություններ տեղական ռեստորաններից, մթերային խանութներից, սուպերմարկետներից և մանրածախ առևտրի կետերից։ Որպես ոլորտի առաջատարներից մեկը՝ Glovo-ի տեսլականն է ստեղծել աշխարհի ամենամեծ առցանց շուկան՝ յուրաքանչյուրին հնարավորություն տալով իր քաղաքում հաշված րոպեների ընթացքում ձեռք բերել ցանկացած ապրանք։ Ընկերությունը հիմնադրվել է 2015 թվականին Բարսելոնայում և ներկայումս գործունեություն է ծավալում Եվրոպայի, Կենտրոնական Ասիայի և Աֆրիկայի 22 երկրներում։
Լրացուցիչ տեղեկությունների համար այցելեք Glovo-ի պաշտոնական կայք։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: