Թուրքիայի նախկին վարչապետ և ընդդիմադիր Gelecek («Ապագայի կուսակցություն») կուսակցության առաջնորդ Ահմեթ Դավութօղլուն որոշում է ընդունել հեռանալ ակտիվ քաղաքականությունից, իսկ նրա կուսակցությունը դադարեցնում է քաղաքական գործունեությունը, հայտնում են թուրքական լրատվամիջոցները։
Sözcü պարբերականի տվյալներով՝ Դավութօղլուն որոշել է ավարտել իր քաղաքական կարիերան, իսկ Gelecek Partisi-ն, որը նա ստեղծել էր 2019 թվականին իշխող «Արդարություն և զարգացում» կուսակցությունից (AK Parti) դուրս գալուց հետո, փաստացի դադարում է գոյություն ունենալ որպես ինքնուրույն քաղաքական նախագիծ։Ահմեթ Դավութօղլուն զբաղեցրել է Թուրքիայի վարչապետի պաշտոնը 2014–2016 թվականներին և եղել է նախագահ Ռեջեփ Թայիփ Էրդողանի ամենամերձավոր զինակիցներից մեկը։ Կառավարության ղեկավարի պաշտոնից հեռանալուց հետո՝ AK Parti-ի ղեկավարության հետ տարաձայնությունների պատճառով, նա ստեղծել է սեփական կուսակցությունը, որը հանդես էր գալիս իշխանությունների մի շարք որոշումների քննադատությամբ։