Իրանի զինված ուժերը քննարկում են Կասպից ծովում նավի վրա իրականացված հարձակման կապակցությամբ Ուկրաինային ռազմական պատասխան հասցնելու հարցը։ Այդ մասին հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ֆեդա-Հոսեյն Մալեքին։
«Մենք արդեն արձագանքել ենք դիվանագիտական ուղիով, ներկայացրել ենք վերջնագիր, սակայն ռազմական պատասխանն անխուսափելիորեն կհետևի»,– ասել է Մալեքին։
Իրանցի պատգամավորի հայտարարությունը հնչել է այն բանից հետո, երբ Թեհրանը Կիևին մեղադրել էր Կասպից ծովում տեղի ունեցած հարձակման հետ առնչություն ունենալու մեջ։ Այս պնդումների վերաբերյալ Ուկրաինայի պաշտոնական արձագանքը դեռևս չի հրապարակվել։