Եվրամիությունը պատժամիջոցներ է նախապատրաստում 1600-ից ավելի ընկերության դեմ, որոնք, ըստ ԵՄ-ի, աջակցում են Ռուսաստանին Ուկրաինայի հարցում, հայտնել է Bloomberg-ը՝ վկայակոչելով իր աղբյուրներին։
Ըստ հրապարակման՝ եթե պատժամիջոցների այս փաթեթը հաստատվի, ԵՄ-ի սահմանափակումների ներքո գտնվող ընկերությունների թիվը կիսով չափ՝ 50%-ով կավելանա։
Եվս 1600 ընկերության նկատմամբ պատժամիջոցներ սահմանելու համար անհրաժեշտ է լինելու ԵՄ բոլոր անդամ երկրների հավանությունը։
Ըստ Bloomberg-ի աղբյուրների, պատժամիջոցների այս նոր փաթեթը մշակվել է մի քանի ամիս շարունակ, շուտով այն ներկայացվելու է ԵՄ պաշտոնյաներին, հետո արդեն ԵՄ երկրներն իրենց դիրքորոշումը պետք է հայտնեն։
Նախատեսվում է պատժամիջոցների նոր փաթեթն ընդունել հոկտեմբերին։