Քաղաքականություն
25.07.2026 | 12:34
Վրաստանի պետական էլեկտրահամակարգի տեղեկատվությամբ՝ համապետական մասշտաբով էլեկտրաէներգիայի մատակարարումը ժամը 10:15-ի դրությամբ ամբողջությամբ վերականգնվել է․ գրում է 1tv.ge-ն։
Էլեկտրաէներգիայի մատակարարումը Թբիլիսիում և տարածաշրջանների մի մասում վթարային կարգով անջատվել էր առավոտյան ժամը 08:00-ին:
Ինչպես հայտնել են Վրաստանի պետական էլեկտրահամակարգում, վթարի արձանագրումից անմիջապես հետո հապաղ մեկնարկել են էներգահամակարգի վերականգնման աշխատանքները:
«Ինտենսիվ և համակարգված աշխատանքի արդյունքում սպառողներին էլեկտրաէներգիայի փուլ առ փուլ մատակարարումը սկսվել է ամենասեղմ ժամկետներում: Այս փուլում ընթանում է առաջացման պատճառի պարզումը, ինչի մասին հանրությանը լրացուցիչ տեղեկատվություն կտրամադրվի», – նշված է պետական էլեկտրահամակարգի հայտարարության մեջ:
Բացի այդ, էլեկտրաէներգիայի մասշտաբային անջատման պատճառով խափանումներ էին առաջացել Թբիլիսիի մետրոյում և Վրաստանի երկաթուղում: Այս պահի դրությամբ դրանց աշխատանքը նույնպես վերականգնված է: