ԱՄՆ նախագահ Դոնալդ Թրամփը հայտարարել է, որ իր ռուս գործընկեր Վլադիմիր Պուտինը հասկանում է, որ Վաշինգտոնը զենք է վաճառում ՆԱՏՕ-ի գործընկերներին, այլ ոչ թե Ուկրաինային։
«Նա հասկանում է, որ ես զենք չեմ վաճառում Ուկրաինային, ես այն վաճառում եմ ՆԱՏՕ-ի երկրներին: Նրանք դրա համար վճարում են ամբողջ գինը, իսկ թե հետո ինչպես է այդ զենքը բաշխվում, ես գաղափար չունեմ»,- գրել է Թրամփը TruthSocial-ում։
Հուլիսի 24-ին Պուտինի մամուլի քարտուղար Դմիտրի Պեսկովը հայտարարել է, որ Կրեմլը հաշվի է առնում ԱՄՆ-ի կողմից Ուկրաինային զենքի շարունակական մատակարարումները, բայց մտադիր է ուկրաինական կարգավորման հարցում իր օգտին օգտագործել Թրամփի վարչակազմի այդ «երկակի» դիրքորոշումը։
ԱՄՆ նախագահ Դոնալդ Թրամփը նաև այն կարծիքին է, որ Ռուսաստանն ու Չինաստանը իրանական հակամարտության կողմեր չեն, հակառակ դեպքում, ըստ նրա, դա ծանր հետևանքներ կունենար այդ պետությունների համար։