Aravot.am-ի տեղեկություններով, Շիրակի մարզային քննչական վարչությունում սկսել են ուսումնասիրել ՀՀ ընդհանուր մարզական ձկնորսության գլխավոր ֆեդերացիայի շուրջ օրերս տեղի ունեցած տհաճ մի միջադեպ։
Փետրվարի 2-ին Գյումրու ոստիկանության Մուշ բաժինը ՀՀ ՆԳՆ ոստիկանության Շիրակի մարզի օպերատիվ կառավարման կենտրոնից հաղորդում է ստացել այն մասին, որ իրենց է զանգահարել ընդհանուր մարզական ձկնորսության գլխավոր ֆեդերացիայի հիմնադիր նախագահը՝ հայտնելով, որ ինքը սպորտային ձկնորսական ֆեդերացիայի հիմնադիրն է, և որ Գյումրիից 7 ամիս բացակայելուց հետո վերադառնալուն պես՝ տեղեկացել է, որ ֆեդերացիայի նախագահի պաշտոնափոխություն է տեղի ունեցել։ Զանգահարել է նոր նախագահին ու փորձել խոսել նրա հետ, որպեսզի փաստաթղթեր կազմվեն, սակայն վերջինս վրդովվել է, հայհոյանքներ ու սպառնալիքներ հնչեցրել։
Մեկնել է օպերատիվ խումբը՝ ավագ համայնքային ոստիկան Մարգարյանի գլխավորությամբ, ավելի ուշ ֆեդերացիայի հիմնադիր նախագահից հաղորդում է վերցվել ու փաստաթղթերը ուղարկվել են Շիրակի մարզային քննչական վարչություն։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: