Կարևոր քայլ է կատարում բնական, տեխնածին և մարդասիրական արտակարգ իրավիճակներին պատրաստվածությունն ամրապնդելու ուղղությամբ

Հայաստանի կառավարությունը Եվրոպական միության, ՄԱԿ-ի Փախստականների հարցերով գերագույն հանձնակատարի գրասենյակի (UNHCR) և գործընկերների աջակցությամբ կարևոր քայլ է կատարում բնական, տեխնածին և մարդասիրական արտակարգ իրավիճակներին պատրաստվածությունն ամրապնդելու ուղղությամբ։

Պատրաստվածության 24-ամսյա նոր ծրագիրը կհզորացնի Սյունիքի և Վայոց ձորի 12 համայնքները՝

✅ ամրապնդելով ազգային և տեղական մակարդակների համակարգումը,

✅ բարելավելով հանրային իրազեկման, վաղ նախազգուշացման և վաղ արձագանքման համակարգերը,

✅իրականացնելով վերապատրաստումներ և տրամադրելով անհրաժեշտ այլ ռեսուրսներ:

ԵՄ մարդասիրական օգնության կազմակերպության համաֆինանսավորմամբ իրականացվող 1 միլիոն եվրո արժողությամբ այս նախաձեռնությունը հիմնվում է արդեն իսկ գրանցված ձեռքբերումների վրա, ինչպիսիք են աղետների ռիսկի կառավարման արդիականացված պլանները, արտակարգ իրավիճակների համար նախատեսված պաշարները և թվային գործիքները՝ օգնելու արտակարգ իրավիճակներին արդյունավետ արձագանքման համայնքների պատրաստվածությանը և դիմակայունությանը՝ հանուն անվտանգ ապագայի։

ՀՀ-ում ԵՄ պատվիրակություն