Ավարտվել է «Գազածխապաշտպանների սկզբնական պատրաստություն» թեմայով վերապատրաստման դասընթացի երկրորդ փուլը, որն անց է կացվել հուլիսի 13-ից 17-ը Ռուս-հայկական մարդասիրական արձագանքման կենտրոնում: Այդ մասին հայտնում են ՆԳՆ ՓԾ-ից:
Հնգօրյա դասընթացի ընթացքում Փրկարար ծառայության ստորաբաժանումների ծառայողները ստացել են ինչպես տեսական գիտելիքներ, այնպես էլ զարգացրել են իրենց գործնական հմտությունները՝ ուսումնասիրելով շնչառական օրգանների պաշտպանության միջոցների կիրառման առանձնահատկությունները, դրանց անվտանգ շահագործման պահանջները և ծխապատ կամ գազավորված միջավայրում գործողությունների կազմակերպման սկզբունքները։ Գործնական պարապմունքների ընթացքում մասնակիցները մշակել են արագ արձագանքման, թիմային աշխատանքի և անձնական անվտանգության ապահովման հմտությունները։
Վերապատրաստումը հաջողությամբ ավարտած փրկարարները ստացել են հավաստագրեր:
ՆԳՆ Փրկարար ծառայությունը հետևողականորեն իրականացնում է մասնագիտական վերապատրաստման ծրագրեր՝ նպաստելով փրկարարների մասնագիտական կարողությունների և գործնական պատրաստվածության շարունակական զարգացմանը՝ արտակարգ իրավիճակներում արդյունավետ և անվտանգ ծառայություն իրականացնելու նպատակով։
Դիտումների քանակ4