Եկե՛ք չմոռանանք Արցախի հայ գերիների մասին։
Այսօր Բելգիայի Դաշնային խորհրդարանում ընդունեցի Արմեն Իշխանյանին, որի հայրը՝ Արցախի Ազգային ժողովի նախկին նախագահ Դավիթ Իշխանյանը, Ադրբեջանում դատապարտվել է ցմահ ազատազրկման։ Նրան ուղեկցում էր մարդու իրավունքների պաշտպան փաստաբան Սիրանուշ Սահակյանը, որը ներկայացնում է մի շարք հայ գերիների շահերը։
Արցախի անկումից ի վեր ես հետևողականորեն զբաղվել եմ այս հարցով։ Բազմաթիվ առիթներով Բելգիայի կառավարությանը հարցեր եմ ուղղել հայ գերիների ճակատագրի վերաբերյալ։ Նաև Դաշնային խորհրդարանում նախաձեռնել և ընդունել եմ երկու բանաձև, որոնք պահանջում են, ի թիվս այլնի, ապահովել արդար դատավարություն, միջազգային դիտորդների մուտք, հումանիտար երաշխիքներ և ակտիվացնել դիվանագիտական ջանքերը։
Ես շարունակում եմ աջակցել Հայաստանի և Ադրբեջանի միջև երկարատև ու կայուն խաղաղության հաստատմանը։ Սակայն ամուր խաղաղությունը չի կարող կառուցվել արդարության, հիմնարար իրավունքների և մինչ օրս անազատության մեջ պահվող մարդկանց ճակատագրի հաշվին։ Այս պահին 19 հայ գերիներ շարունակում են մնալ կալանքի տակ՝ պայմաններում, որոնք քննադատության են արժանացել բազմաթիվ միջազգային կառույցների կողմից։
Պետությունը կարող է քրեական պատասխանատվության ենթարկել անձանց, եթե առկա են հանցագործության հիմնավոր կասկածներ։ Սակայն նման գործընթացները պետք է լինեն անկախ, թափանցիկ և ամբողջությամբ համապատասխանեն միջազգային իրավունքի ու արդար դատավարության չափանիշներին։
Այդ պատճառով ես շարունակելու եմ կոչ անել Բելգիայի կառավարությանը, որպեսզի այս հարցը չմոռացվի և մնա նրա ուշադրության կենտրոնում։
Բելգիայի Ներկայացուցիչների պալատի պատգամավոր
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: