https://arm.sputniknews.ru/20260713/amn-n-versksum-e-irani-tsvovajin-shrjapakumy-hajtni-e-hstak-zhamy-104587038.html
ԱՄՆ-ն վերսկսում է Իրանի ծովային շրջափակումը. հայտնի է հստակ ժամը
ԱՄՆ-ն վերսկսում է Իրանի ծովային շրջափակումը. հայտնի է հստակ ժամը
Sputnik Արմենիա
Շրջափակման ռեժիմը կկիրառվի իրանական նավահանգիստներ և ափամերձ շրջաններ մեկնող կամ այդ հատվածներից դուրս եկող նավերի նկատմամբ: 13.07.2026, Sputnik Արմենիա
2026-07-13T23:59+0400
2026-07-13T23:59+0400
2026-07-14T00:01+0400
ամն
հորմուզի նեղուց
իրանի իսլամական հանրապետություն
https://cdn.am.sputniknews.ru/img/07ea/05/0d/102150457_0:35:680:418_1920x0_80_0_0_553bb833f5ebdd473f2a4a2b8ddb6173.jpg.webp
ԵՐԵՎԱՆ, 13 հուլիսի – Sputnik․ ԱՄՆ-ի զինվորականները հուլիսի 14-ի կեսգիշերին (Երևանի ժամանակով. խմբ․) կվերսկսեն Իրանի բոլոր նավահանգիստների և ափամերձ գոտիների շրջափակումը։ Այս մասին X-ի պաշտոնական էջում է հայտնել է ԱՄՆ ԶՈւ կենտրոնական հրամանատարությունըԱվելի վաղ Իրանի դեմ ծովային նոր շրջափակման մասին հայտարարել էր ԱՄՆ նախագահ Դոնալդ Թրամփը: Նրա խոսքով՝ մյուս երկրները կկարողանան ազատորեն օգտվել Հորմուզի նեղուցից։ Թրամփը նաև նշել էր, որ ԱՄՆ-ն մտադիր է Հորմուզի նեղուցով անցնող բոլոր բեռների համար 20 տոկոս վճար գանձել նավագնացության անվտանգության ապահովման ծախսերը փոխհատուցելու համար:Ըստ այդ հայտարարության` CENTCOM–ի ուժերը կապահովեն, որ շրջափակում կիրառվի իրանական նավահանգիստներ և ափամերձ շրջաններ մեկնող կամ այդ հատվածներից դուրս եկող նավերի նկատմամբ: Միաժամանակ ԱՄՆ-ի զինված ուժերը շարունակում են ապահովել անվտանգ անցումը տարածաշրջանային ջրերով բոլոր այն նավերի համար, որոնք չեն խախտում հայտարարված շրջափակման ռեժիմը:Հավելենք, որ ԱՄՆ-ի կողմից Հորմուզի նեղուցի առաջին շրջափակման ընթացքում՝ ապրիլից հունիս ընկած ժամանակահատվածում, ամերիկյան զինվորականները վերաուղղորդել են ավելի քան 140 նավ, շարքից հանել խախտում կատարած 9 նավ և թույլ տվել, որ շրջափակման միջով անցնի մարդասիրական օգնություն տեղափոխող ավելի քան 50 առևտրային նավ։Հիշեցնենք, որ ԱՄՆ-ն և Իրանը հակամարտության նոր փուլ են մտել։ Հուլիսի լույս 12-ի գիշերը ամերիկյան ուժերը հարձակվել են Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։Հուլիսի 7-ին լարվածության նոր ալիքի սկսվելուց ի վեր ամերիկացիները ավելի քան 300 հարված են հասցրել տարբեր թիրախների։ Նպատակակետերի թվում են եղել իրանական հրթիռային և անօդաչու թռչող սարքերի բազաները, ռազմածովային կառույցները, զինամթերքի պահեստները, կապի ցանցերը և ափամերձ հսկողության կետերը Իրանի հարավային Բուշեր, Գենգան և Դիր քաղաքներում։Հուլիսի 8-ին Անկարայում ՆԱՏՕ-ի գագաթնաժողովի ժամանակ Թրամփը հայտարարել է, որ Իրանի հետ հրադադարն ավարտվել է:Իրանի Մեջլիսի խոսնակ Բաղեր Ղալիբաֆն իր հերթին հայտարարել է, որ միակողմանի գործարքների դարաշրջանն ավարտվել է, և զգուշացրել է` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։Իրանը միշտ եղել է և կմնա Հորմուզի նեղուցի պահապանը. Արաղչի
ամն
հորմուզի նեղուց
իրանի իսլամական հանրապետություն
2026
Լուրեր
am_HY
https://cdn.am.sputniknews.ru/img/07ea/05/0d/102150457_38:0:642:453_1920x0_80_0_0_1203ce4e3ec676c35c4159ebbd3d2f51.jpg.webp
ամն, հորմուզի նեղուց, իրանի իսլամական հանրապետություն
ամն, հորմուզի նեղուց, իրանի իսլամական հանրապետություն
Շրջափակման ռեժիմը կկիրառվի իրանական նավահանգիստներ և ափամերձ շրջաններ մեկնող կամ այդ հատվածներից դուրս եկող նավերի նկատմամբ:
ԵՐԵՎԱՆ, 13 հուլիսի – Sputnik․ ԱՄՆ-ի զինվորականները հուլիսի 14-ի կեսգիշերին (Երևանի ժամանակով. խմբ․) կվերսկսեն Իրանի բոլոր նավահանգիստների և ափամերձ գոտիների շրջափակումը։ Այս մասին X-ի պաշտոնական էջում է հայտնել է ԱՄՆ ԶՈւ կենտրոնական հրամանատարությունը
«Գերագույն գլխավոր հրամանատարի հանձնարարությամբ ԱՄՆ-ի զինված ուժերի կենտրոնական հրամանատարության ուժերը (CENTCOM) կվերսկսեն ծովային հաղորդակցության արգելափակումն իրանական նավահանգիստների մուտքի և ելքի մոտ հուլիսի 14-ին՝ արևելյան ժամանակով 16:00-ին», – ասված է X-ում հրապարակված հայտարարության մեջ:
Ըստ այդ հայտարարության` CENTCOM–ի ուժերը կապահովեն, որ շրջափակում կիրառվի իրանական նավահանգիստներ և ափամերձ շրջաններ մեկնող կամ այդ հատվածներից դուրս եկող նավերի նկատմամբ: Միաժամանակ ԱՄՆ-ի զինված ուժերը շարունակում են ապահովել անվտանգ անցումը տարածաշրջանային ջրերով բոլոր այն նավերի համար, որոնք չեն խախտում հայտարարված շրջափակման ռեժիմը:
Հավելենք, որ ԱՄՆ-ի կողմից Հորմուզի նեղուցի առաջին շրջափակման ընթացքում՝ ապրիլից հունիս ընկած ժամանակահատվածում, ամերիկյան զինվորականները վերաուղղորդել են ավելի քան 140 նավ, շարքից հանել խախտում կատարած 9 նավ և թույլ տվել, որ շրջափակման միջով անցնի մարդասիրական օգնություն տեղափոխող ավելի քան 50 առևտրային նավ։
Հիշեցնենք, որ ԱՄՆ-ն և Իրանը հակամարտության նոր փուլ են մտել։ Հուլիսի լույս 12-ի գիշերը ամերիկյան ուժերը հարձակվել են Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։
Հուլիսի 7-ին լարվածության նոր ալիքի սկսվելուց ի վեր ամերիկացիները ավելի քան 300 հարված են հասցրել տարբեր թիրախների։ Նպատակակետերի թվում են եղել իրանական հրթիռային և անօդաչու թռչող սարքերի բազաները, ռազմածովային կառույցները, զինամթերքի պահեստները, կապի ցանցերը և ափամերձ հսկողության կետերը Իրանի հարավային Բուշեր, Գենգան և Դիր քաղաքներում։
Հուլիսի 8-ին Անկարայում ՆԱՏՕ-ի գագաթնաժողովի ժամանակ Թրամփը հայտարարել է, որ Իրանի հետ հրադադարն ավարտվել է:
Իրանի Մեջլիսի խոսնակ Բաղեր Ղալիբաֆն իր հերթին հայտարարել է, որ միակողմանի գործարքների դարաշրջանն ավարտվել է, և զգուշացրել է` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։