Հյուսիսային Մակեդոնիայում ընթացող ազատ ոճի ըմբշամարտի Եվրոպայի մինչեւ 20 տարեկանների առաջնությունում Հայաստանի հավաքականի անդամ Արեն Մկրտչյանը 65 կգ քաշային կարգի եզրափակչում գոտեմարտել է մոլդովացի Մաքսիմ Դիմովի հետ եւ արժանացել արծաթե մեդալի։ Նրա թիմակից, 57 կգ քաշային Սաշա Պետրոսյանը հաղթել է վրացի ըմբիշին եւ դարձել բրոնզե մրցանակակիր։
Այսօր պայքարի մեջ մտած 86 կգ քաշային Ռազմիկ Եփրեմյանը միմյանց հետեւից առավելության հասնելով իսրայելցու եւ էստոնացու նկատմամբ, կիսաեզրափակչում պարտության է մատնել նաեւ ադրբեջանցի Մահամմադ Աբասզադային եւ վաղը ոսկու համար գոտեմարտելու է Ռուսաստանը ներկայացնող Իսմայիլ Խանիեւի հետ։ Բրոնզի համար գոտեմարտելու իրավունք է ստացել 125 կգ քաշային Հենրիկ Հայկյանը։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Մեկնաբանություններ (0)