Իրանի Շիրազ քաղաքում հրթիռակոծության հետևանքով զոհվել է Իսլամական հեղափոխության պահապանների կորպուսի (ԿՍԻՀ) բարձրաստիճան հրամանատար, բրիգադի գեներալ Իբրահիմ Մորթազավի Նասաբը։ Այս մասին հայտնում են իրանական ընդդիմադիր լրատվամիջոցները։
Նրանց փոխանցմամբ՝ հարձակման թիրախը եղել է Շիրազում գործող «Սարալլահ» ստորաբաժանման «Բասիջ» աշխարհազորի հրամանատարը։
Հաղորդվում է, որ հարձակումը տեղի է ունեցել երեկոյան՝ Մոալեմ խաչմերուկի շրջանում, որտեղ տեղակայված է ռազմական բազա։ Ըստ հրապարակումների՝ ռազմական օբյեկտի ուղղությամբ արձակվել է երկու ալիքով ընդհանուր յոթ հրթիռ․ առաջին հարվածը բաղկացած է եղել չորս, իսկ երկրորդը՝ երեք հրթիռից։ Ստացած վնասվածքների հետևանքով գեներալը մահացել է։
Առայժմ որևէ խմբավորում չի ստանձնել հարձակման պատասխանատվությունը, իսկ Իրանի պաշտոնական կառույցները չեն հաստատել հրապարակված տեղեկությունները։