Հրդեհներ են բռնկվել Տվերի նավթաբազայում և Ստավրոպոլի մոտակա արդյունաբերական օբյեկտում

by

https://arm.sputniknews.ru/20260709/hrdehner-en-brnkvel-tveri-navtabazajum-ev-stavrvopvoli-mvotaka-ardjunaberakan-objektum-104394910.html

media@sputniknews.com

+74956456601

MIA „Rossiya Segodnya“

2026

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.sputniknews.ru/img/07ea/07/09/104394737_260:0:2991:2048_1920x0_80_0_0_66e616f7c8893674d329c11c068070cb.jpg.webp

Sputnik Արմենիա

media@sputniknews.com

+74956456601

MIA „Rossiya Segodnya“

անօդաչու թռչող սարք (աթս), տվեր, ստավրոպոլ

անօդաչու թռչող սարք (աթս), տվեր, ստավրոպոլ

10:20 09.07.2026 (Թարմացված է: 10:21 09.07.2026)
Բաժանորդագրվել

Հիշեցնենք, որ ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները։

ԵՐԵՎԱՆ, 9 հուլիսի – Sputnik. Տվերում անօդաչու թռչող սարքերի հարձակումը հետ մղելիս հրդեհ է բռնկվել «Տվերի նավթաբազա» ձեռնարկության ամբարներից մեկում։ Այս մասին հայտնել է Տվերի մարզպետի ժամանակավոր պաշտոնակատար Վիտալի Կորոլյովը։

Կորոլյովը նշել է, որ հրդեհն արդեն մարվել է: Նախնական տվյալներով՝ տուժածներ չկան։

«Աշխատում եմ դեպքի վայրում: Շտաբ է բացվել: Համակարգում ենք միջադեպի հետևանքները վերացնելու և օբյեկտի հետագա անվտանգությունն ապահովելու միջոցառումները», – գրել է մարզպետը սոցցանցում։

Բացի այդ, անօդաչու թռչող սարքերի հարձակման հետևանքով հրդեհ է առաջացրել ՌԴ Ստավրոպոլի երկրամասի Շպակովսկի շրջանի Վյազնիկի գյուղի արդյունաբերական օբյեկտում:

Որոշ ժամանակ անց Ստավրոպոլի երկրամասի ղեկավար Վլադիմիր Վլադիմիրովը հայտնել է, որ հրդեհը սաստկացել է, դեպքի վայր են ուղարկվել լրացուցիչ հրշեջ հաշվարկներ։

«Վյազնիկի գյուղի ձեռնարկությունում հրդեհը սաստկացել է։ Հրդեհը հասել է վառելանյութերով ամբարներին։ Դեպքի վայր են ուղարկվում լրացուցիչ հրշեջ հաշվարկներ։ Անվտանգության նկատառումներից ելնելով՝ որոշում է կայացվել մոտակա շենքերի բնակիչներին տեղափոխել անվտանգ վայր, ժամանակավոր տեղակայման կետեր են բացվել»,- նշել է Վլադիմիրովը։

Մարզպետը պարզաբանել է, որ պարբերաբար տեղեկություններ է ստանում շրջանի ղեկավար Իգոր Սերովից, անհրաժեշտության դեպքում ողջ օգնությունը կցուցաբերվի։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։

Leave a comment