https://arm.sputniknews.ru/20260708/masnagetnery-chen-hastatel-lurery-te-adrbejani-taratsqn-ogtagvortsvel-e-irani-dem-despan–104353440.html
Մասնագետները չեն հաստատել լուրերը, թե Ադրբեջանի տարածքն օգտագործվել է Իրանի դեմ. դեսպան
Մասնագետները չեն հաստատել լուրերը, թե Ադրբեջանի տարածքն օգտագործվել է Իրանի դեմ. դեսպան
Sputnik Արմենիա
Դիվանագետը նշեց՝ եթե հարևանների տարածքն օգտագործվի Իրանի դեմ հարձակումներ իրականացնելու համար, ապա Թեհրանի պատասխանն ու արձագանքն ակնհայտ կլինի։ 08.07.2026, Sputnik Արմենիա
2026-07-08T12:26+0400
2026-07-08T12:26+0400
2026-07-08T12:26+0400
ադրբեջան
հայ-ադրբեջանական
խալիլ շիրղոլամի
հայաստան
դեսպան
իրանի իսլամական հանրապետություն
հայաստան–իրան գործակցություն
https://cdn.am.sputniknews.ru/img/07ea/07/08/104347178_0:120:1280:840_1920x0_80_0_0_6b5c840a40ecb74645b51311f865251c.jpg.webp
ԵՐԵՎԱՆ, 8 հուլիսի – Sputnik․ Իրանի ռազմական և անվտանգության ոլորտի մասնագետները չեն հաստատել այն տեղեկությունները, թե Ադրբեջանը տրամադրել է իր տարածքը ԱՄՆ-ին՝ Իրանին հարվածներ հասցնելու համար։ Այսօր իրավիրված ասուլիսի ժամանակ այս մասին ասաց Հայաստանում Իրանի դեսպան Խալիլ Շիրղոլամին։Փեզեշքիանն Ալիևին հայտնել է, որ Իրանը կապ չունի Նախիջևանի վրա հարձակման հետՆշենք, որ ամերիկա-իրանական պատերազմի օրերին իրանական տարբեր աղբյուրներ գրում էին, թե Ադրբեջանի տարածքից ԱԹՍ է օդ բարձրացել և շարժվել դեպի Իրանի տարածք։Դեսպանը նշեց՝ իրենք ևս Իրանում ոչ պաշտոնական կարծիքներ ու քննարկումներ են տեսել, սակայն դրանք չեն հաստատվել։ Պատասխանելով այն հարցին, թե ինչ կլիներ, եթե Ադրբեջանի տարածքն օգտագործվեր Իրանին հարվածելու համար, Շիրղոլամին պատասխանեց, որ դա ակնհայտ է:Նրա խոսքով՝ Իրանը ձգտում էր, որպեսզի Հարավային Կովկասը նվազագույն չափով զգա վերջին պատերազմի հետևանքները:Շիրղոլամին ուշադրություն հրավիրեց Նախիջևանի օդանավակայանում տեղի ունեցած «կասկածելի միջադեպին» և Ադրբեջանի նախագահ Իլհամ Ալիևի` դրան հաջորդած «հռետորաբանության որոշակի սահմաններ հատող» կոշտ հայտարարությանը:Այդ հայտարարությանը, ըստ նրա, Իրանը պատասխանեց բավականին զուսպ և հավասարակշռված։ Եվ հարցը լուծվեց դիվանագիտական խողովակներով, իսկ Թեհրանը Բաքվին հայտնեց, որ նման վարքագիծն անընդունելի է։Հիշեցնենք՝ մարտի 5-ին Ադրբեջանի Նախիջևանի օդանավակայանի տարածքում իրանական անօդաչու թռչող սարքեր են ընկել: Դրոններից մեկը բախվել է օդանավակայանի տերմինալին, մյուսն ընկել է դպրոցի մոտ։ Իշխանությունների տվյալներով՝ տուժել է առնվազն չորս մարդ։Ալիևը հայտարարել է բանակը լիարժեք մարտական պատրաստության ռեժիմի բերելու մասին։ Բաքուն Թեհրանին մեղադրել է միջազգային իրավունքի խախտման մեջ և Իրանի դեսպանին կանչել է բացատրությունների համար: Միաժամանակ Ալիևը նշել է, որ Բաքուն չի պատրաստվում պատերազմի մեջ մտնել Իրանի հետ: Իրանի ԱԳՆ–ն հերքել է Թեհրանի մասնակցությունն այդ միջադեպին։
ադրբեջան
իրանի իսլամական հանրապետություն
2026
Լուրեր
am_HY
https://cdn.am.sputniknews.ru/img/07ea/07/08/104347178_1:0:1280:959_1920x0_80_0_0_973a93bd58d3b50b81c87ba621a9bfc7.jpg.webp
ադրբեջան, հայ-ադրբեջանական, խալիլ շիրղոլամի, հայաստան, դեսպան, իրանի իսլամական հանրապետություն, հայաստան–իրան գործակցություն
ադրբեջան, հայ-ադրբեջանական, խալիլ շիրղոլամի, հայաստան, դեսպան, իրանի իսլամական հանրապետություն, հայաստան–իրան գործակցություն
Դիվանագետը նշեց՝ եթե հարևանների տարածքն օգտագործվի Իրանի դեմ հարձակումներ իրականացնելու համար, ապա Թեհրանի պատասխանն ու արձագանքն ակնհայտ կլինի։
ԵՐԵՎԱՆ, 8 հուլիսի – Sputnik․ Իրանի ռազմական և անվտանգության ոլորտի մասնագետները չեն հաստատել այն տեղեկությունները, թե Ադրբեջանը տրամադրել է իր տարածքը ԱՄՆ-ին՝ Իրանին հարվածներ հասցնելու համար։ Այսօր իրավիրված ասուլիսի ժամանակ այս մասին ասաց Հայաստանում Իրանի դեսպան Խալիլ Շիրղոլամին։
Նշենք, որ ամերիկա-իրանական պատերազմի օրերին իրանական տարբեր աղբյուրներ գրում էին, թե Ադրբեջանի տարածքից ԱԹՍ է օդ բարձրացել և շարժվել դեպի Իրանի տարածք։
Դեսպանը նշեց՝ իրենք ևս Իրանում ոչ պաշտոնական կարծիքներ ու քննարկումներ են տեսել, սակայն դրանք չեն հաստատվել։ Պատասխանելով այն հարցին, թե ինչ կլիներ, եթե Ադրբեջանի տարածքն օգտագործվեր Իրանին հարվածելու համար, Շիրղոլամին պատասխանեց, որ դա ակնհայտ է:
«Չկա ավելի ուժեղ ու մեծ երկիր, քան ԱՄՆ-ն, բայց նույնիսկ այդ դեպքում բոլոր այն երկրներին, որտեղից ամերիկյան բազաներից հարվածներ են հասցվել, Իրանը համապատասխան պատասխան է տվել։ Հարվածներ են հասցվել Քուվեյթում, Հորդանանում, Բահրեյնում, Կատարում, Իրաքում, Սաուդյան Արաբիայում և ԱՄԷ – ում տեղակայված բազաներին»,- ասաց դեսպանը։
Նրա խոսքով՝ Իրանը ձգտում էր, որպեսզի Հարավային Կովկասը նվազագույն չափով զգա վերջին պատերազմի հետևանքները:
Շիրղոլամին ուշադրություն հրավիրեց Նախիջևանի օդանավակայանում տեղի ունեցած «կասկածելի միջադեպին» և Ադրբեջանի նախագահ Իլհամ Ալիևի` դրան հաջորդած «հռետորաբանության որոշակի սահմաններ հատող» կոշտ հայտարարությանը:
Այդ հայտարարությանը, ըստ նրա, Իրանը պատասխանեց բավականին զուսպ և հավասարակշռված։ Եվ հարցը լուծվեց դիվանագիտական խողովակներով, իսկ Թեհրանը Բաքվին հայտնեց, որ նման վարքագիծն անընդունելի է։