«Դատական նիստ» Բաքվում. «փաստաբանը» խնդրել է արդարացնել Արկադի Ղուկասյանին

«Դատական նիստ» Բաքվում. «փաստաբանը» խնդրել է արդարացնել Արկադի Ղուկասյանին

«Դատական նիստ» Բաքվում. «փաստաբանը» խնդրել է արդարացնել Արկադի Ղուկասյանին

Sputnik Արմենիա

Հաջորդ «դատական նիստը» կկայանա հուլիսի 10-ին։ 07.07.2026, Sputnik Արմենիա

2026-07-07T20:20+0400

2026-07-07T20:20+0400

2026-07-07T20:21+0400

արցախ

դատարան

բաքու

արկադի ղուկասյան

գերի

https://cdn.am.sputniknews.ru/img/07ea/07/07/104336241_0:105:2014:1238_1920x0_80_0_0_0af106538eede1008bbc31471d6d49df.jpg.webp

ԵՐԵՎԱՆ, 7 հուլիսի – Sputnik. Բաքվի վերաքննիչ դատարանում այսօր կայացել է հայ գերիների բողոքների վերաբերյալ հերթական «նիստը»։ Այս մասին հայտնում են ադրբեջանական Լրատվամիջոցները։ Նշվում է, որ Արցախի նախկին նախագահ Արկադի Ղուկասյանի «փաստաբանը» դատարանին կոչ է արել չեղարկել իր պաշտպանյալի նկատմամբ կայացված «դատավճիռը» և արդարացնել նրան: «Փաստաբանն» իր ելույթում փաստարկներ է ներկայացրել։ «Նիստի» ընթացքում ելույթ է ունեցել Արցախի նախկին արտգործնախարար Դավիթ Բաբայանը՝ կրկին հայտարարելով, որ իրեն մեղավոր չի ճանաչում։ Ադրբեջանական լրատվամիջոցների հաղորդմամբ՝ նախագահող «դատավորը» հայտարարել է, որ Լեռնային Ղարաբաղի խորհրդարանի նախկին խոսնակ Դավիթ Իշխանյանի կողմից նախորդ «նիստին» ներկայացված միջնորդության թարգմանությունը փոխանցվել է դատարանին: Իշխանյանը ցանկություն է հայտնել հանդիպել իր «պաշտպանի» հետ: Միջնորդությունը բավարարվել է։ Հաջորդ «դատական նիստը» կկայանա հուլիսի 10-ին։Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին Բաքվի դատարանը Ռուբեն Վարդանյանին 20 տարվա ազատազրկման դատապարտեց: Ապրիլի 28-ին հայտնի դարձավ, որ նրան այլ հայ գերիների հետ տեղափոխել են Բաքվի Ղարադաղի շրջանի Ումբակի բանտային համալիր:

բաքու