ԵՐԵՎԱՆ, ՀՈՒԼԻՍԻ 3, 24News
Թուրքիայում ավտոբուսի մասնակցությամբ ճանապարհատրանսպորտային պատահարի հետևանքով տուժել է 40 մարդ, այդ թվում՝ երեխաներ, հայտնում է թուրքական DHA գործակալությունը։
Դեպքը տեղի է ունեցել Անկարա–Նիգդե մայրուղու վրա։ Ավտոբուսը շարժվել է Ստամբուլից դեպի Իրաք, գրում է DHA-ն՝ հղում անելով ТАСС-ին։
Նախնական տվյալներով՝ վարորդը կորցրել է կառավարումը, ինչի հետևանքով մեքենան դուրս է եկել ճանապարհից։ Վթարի արդյունքում 40 մարդ ստացել է տարբեր աստիճանի վնասվածքներ։
Տուժածների թվում կան նաև անչափահասներ։ Հոսպիտալացվել է 37 ուղևոր, ինչպես նաև երկու վարորդ և մեկ ուղեկցորդ։
Սկզբում տեղական ԶԼՄ-ները հայտնել էին 19 տուժածի մասին։ Մայիսի վերջին նույն Թուրքիայում ավտոբուսը բախվել էր ճանապարհային արգելապատնեշին։
—00—ՍՊ