Պակիստանի հարավ-արևմուտքում 48 ուղևորի տեղափոխող ավտոբուսն ընկել է կիրճը, որի հետևանքով 40 մարդ է զոհվել: Եվս 8 մարդ վիրավորվել է։ «Արմենպրես»-ի փոխանցմամբ՝ այս մասին հաղորդում է Dawn թերթը՝ վկայակոչելով պաշտոնյաների:
Իրավապահ մարմինների տվյալներով՝ միջադեպը տեղի է ունեցել Բելուջիստանի և Խայբեր Պախտունխվայի նահանգների սահմանի լեռնային շրջանում:
Վիրավորները տեղափոխվել են հիվանդանոց:
Ինչպես հայտնել են ոստիկանությունում, ավտոբուսը մեկնել է Բելուջիստանի նահանգի մայրաքաղաք Քվետայից 36 ուղևորով և ուղևորվել Խայբեր Պախտունխվայի նահանգի մայրաքաղաք Փեշավար: Ճանապարհին ուղևորներ են ավտոբուս նստել խափանված մեկ այլ ավտոբուսից: Երկու նահանգների սահմանը հատելուց անմիջապես հետո ավտոբուսն ընկել է կիրճը: