«Հայաստանի Հանրապետության վարչապետը սահմանված ժամկետում կանի նշանակումները և հանդես կգա հայտարարությամբ, այլ ասելիք չունեմ։ Այս պահին ես զբաղեցնում եմ ներքին գործերի նախարարի պաշտոնը։ Այսքանը»,- այսօր խորհրդարանում լրագրողների հետ զրույցում ասաց ՀՀ ՆԳ նախարար Արփինե Սարգսյանը։
Լրագրողները հետաքրքրվել էին՝ Արփինե Սարգսյանը շարունակելո՞ւ է պաշտոնավարել ՆԳ նախարարի պաշտոնում, թե՞ նոր կառավարությունում այլ մարդ կփոխարինի իրեն։
Լրագրողները հետաքրքրվեցին նաեւ արտահերթ ընտրությունների հավանականությամբ։
«Նմանատիպ խոսակցություններ այս պահի դրությամբ չկան։ Կայացել են մեր հերթական ընտրությունները, ժողովուրդը կատարել է իր ընտրությունը, կան ձեւավորված արդեն ընտրական գործընթացի շրջանակներում ուժեր, որոնք անցել են խորհրդարան, հընթացս նաեւ Սահմանադրական դատարանն է դիտարկում բողոք, եւ կարծում եմ՝ դրանով կեզրափակվի։ Մնացյալ հարցերի հետ կապված որեւէ քննարկում չկա այս պահին»,- պատասխանեց Արփինե Սարգսյանը։
Նելլի ԳՐԻԳՈՐՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: