Հայաստանի ազգային հավաքականի նախկին ավագ, Միլանի «Ինտերի» կիսապաշտպան Հենրիխ Մխիթարյանը սոցիալական ցանցերի իր էջերում գրառում է կատարել՝ անդրադառնալով իտալական գրանդի հետ գործող պայմանագրի երկարաձգմանը.
«Իմ գույները, իմ տունը։ Շարունակում ենք միասին պայքարել յուրաքանչյուր գոլի համար։ Առա՜ջ, «Ինտեր»,- գրել է Մխիթարյանը։
Հիշեցնենք՝ Միլանի «Ինտեր»-ը հայտարարել էր, որ համաձայնության է եկել Հենրիխ Մխիթարյանի հետ պայմանագիրը երկարաձգելու հարցում։
Մխիթարյանը «Ինտեր»-ում կմնա մինչև 2027 թվականի հունիսի 30-ը։