«Ստոպ» կոճակի փոխարեն լիներ «փլեյ». ՀԿ նախագահը` բանկային նոր գործիքի մասին

«Ստոպ» կոճակի փոխարեն լիներ «փլեյ». ՀԿ նախագահը` բանկային նոր գործիքի մասին

«Ստոպ» կոճակի փոխարեն լիներ «փլեյ». ՀԿ նախագահը` բանկային նոր գործիքի մասին

Sputnik Արմենիա

Հուլիսի 1-ից ՀՀ առևտրային բանկերը սկսելու են կիրառել, այսպես կոչված` «Ստոպ» գործիքը։ Նոր կարգավորումը միտված է կանխելու մեծ տարածում գտած բանկային… 30.06.2026, Sputnik Արմենիա

2026-06-30T19:59+0400

2026-06-30T19:59+0400

2026-06-30T19:59+0400

բանկ

հավելված

խարդախություն

վարկ

https://cdn.am.sputniknews.ru/img/07e7/0b/1c/69269313_0:50:1600:950_1920x0_80_0_0_b4884ebb1f53e47873fdd8f86b245096.jpg.webp

ԵՐԵՎԱՆ, 30 հունիսի – Sputnik. ՀՀ բանկերում «Ստոպ» գործիքի կիրառումը անարդյունավետ գործողություն է, որը չի բացառվում, որ հետագայում բերի ավելի լուրջ խնդիրների. Sputnik Արմենիայի հետ զրույցում ասել է «Հանրային վերահսկողություն» ՀԿ-ի ղեկավար Մհեր Կարագյոզյանը` մեկնաբանելով հուլիսի 1-ից ուժի մեջ մտնող նոր կարգավորումը։Հիշեցնենք` ՀՀ ԿԲ խորհրդի որոշմամբ`հուլիսի 1-ից ՀՀ առևտրային բանկերը սկսելու են կիրառել, այսպես կոչված` «ստոպ» գործիքը։ Նոր կարգավորումը թույլ կտա քաղաքացիներին բանկ այցելելով կամ հավելվածի համապատասխան կոճակի միջոցով արգելափակել իրենց հաշվից դրամական փոխանցումներ և վճարումներ, վարկերի ձևակերպումներ և բանկային ու քարտային այլ գործառնություններ իրականացնելու հնարավորությունը։ԿԲ–ն այս գործիքով փորձում է կանխարգելել մեծ տարածում գտած բանկային զեծարարությունները։Նրա գնահատմամբ` ստեղծված համակարգը ավելի շատ բանկերի և ԿԲ–ի համար արդարացում ապահովելու և մեղքը քաղաքացիների վրա բարդելու նպատակ է հետապնդում։Փոխարեն ՀԿ նախագահը ԿԲ–ին առաջարկում է «ստոպ» կոճակի փոխարեն ստեղծել «փլեյ» կոճակ, որպեսզի բանկային համակարգը հակառակ տրամաբանությանբ գործի` որևէ բանկ առցանց վարկ չտրամադրի մինչև որ քաղաքացին չսեղմի պայմանական ասած` «փլեյ» կոճակը և դրանով հայտ չուղարկի բանկ։Ինչ վերաբերում է արդեն կատարված բանկային զեղծարարություններին ու դրանից տուժած քաղաքացիներին, Մհեր Կարագյոզյանը փաստում է, որ առ այսօր հարուցված քրեական գործերով մեկ հանցագործ անգամ չի բացահայտվել։ Մինչդեռ տուժածների թիվը հարյուրների է հասնում։Հիշեցնենք` բանկային զեղծարարություններից տուժած քաղաքացիները 2024թ–ից բողոքի ակցիաներ են անցկացնում պետական տարբեր կառույցների դեմ` պահանջելով չեղարկել իրենց անունով առցանց տրամադրված կեղծ վարկերը։ՀՀ բանկերում օնլայն վարկերի մեխանիզմը գործարկվել է 2020թ-ից` վարկառուների և վարկատուների կյանքը հեշտացնելու նպատակով։ Նոր գործիքը, սակայն, իրականում լուրջ խնդիրներ է առաջացրել ինչպես քաղաքացների, այնպես էլ բանկերի համար։Կիբեռհանցագործները, օգտվելով ընձեռված հնարավորությունից, տարբեր զեղծարարությունների միջոցով հասանելիություն են ստանում քաղաքացիների բանկային հավելվածներին ու անձնական տվյալներին և բանկերից նրանց անունով վարկեր ձևակերպում` յուրացնելով վարկային միջոցները։ Իսկ այդ վարկերից ոչ մի դրամ չստացած քաղաքացիները մնում են վարկային պարտավորության ու տոկոսների տակ։ Բանկերն էլ պատասխանատվություն չեն կրում իրենց հաճախորդների հաշիվների և դրամական միջոցների անվտանգությունը պատշաճ չպաշտպանելու համար։Հավելենք, որ մեկ տարի առաջ ՀՀ կենտրոնական բանկի հորդորով առևտրային բանկերը սառեցրեցին զեղծարարների պատճառով ծագած բոլոր վարկային պարտավորությունները` մինչև քրեական գործերի քննության ավարտը։